පාර්ලිමේන්තුවේ ජනපති ජන්දය ජය ගැනීම සදහා මේ වනවිට මන්ත්රීවරුන්ට කෝටි ගණන් මුදල් ලබා දෙන බව කියමින් විවිධ පාර්ශවයන් විසින් ලබා දුන් ඇමතුම් ඇතුළත් හඬපට කිහිපයක් රටට හෙළිදරව් කිරීමට විපක්ෂයේ මන්ත්රීවරුන් පිරිසක් සූදානමින් සිටින බව වාර්තා වේ.
ඒ අනුව හෙට දිනයේදී හෝ අනිද්දා දිනයේදී විශේෂ මාධ්ය හමුවක් කැදවා මෙම හඬපට රටට අනාවරණය කිරීමට එම මන්ත්රීවරුන් මේ වනවිට සියල්ල සකස් කොට ඇති බව වාර්තා වේ.
මෙම හඬපටවලින් විවිධ පුද්ගලයන් එක් අපේක්ෂකයකුගේ නමක් සදහන් කරමින් එම අපේක්ෂකයාට ජන්දය භාවිත කරන්නේ නම් මෙපමණ මුදල් ප්රමාණයක් ලබා දිය හැකි බව පැහැදිලිවම ප්රකාශ කර ඇති බව එම මන්ත්රීවරුන් සදහන් කරයි.
එසේ මුදල් ලබා දෙන බව කී පුද්ගලයන් පිළිබදවද මෙහිදී විශේෂ හෙළිදරව්වක් කිරීමට නියමිතව ඇති බව වාර්තා වේ.
