කොළඹ වරාය ශ්රී ලංකාවේ විදේශ විනිමය උපයන ජාතික වත්කමක් වන බවත් මෙහි තරගකාරීත්වය මෙහෙයුම් කාර්යක්ෂමතාම සහ දිගුකාලීන ආදායම් ජනන කිරීමේ හැකියාව රටේ ආර්ථිකයට සෘජුවම බලපාන නමුත් නැගෙනහිර පර්යන්තයේ සංවර්ධන කටයුතු ප්රමාද වීම, මෙහෙයුම් සඳහා අවශ්ය උපකරණ ප්රසම්පාදනයේ පවතින ප්රමාදයන් සහ වරාය අධිකාරියේ කළමනාකරණ තීරණ හා සේවක සුබසාධන කටයුතු සම්බන්ධ මතුව ඇති ගැටලු නිසා වරාය ක්ෂේත්රය සම්බන්ධ බරපතල තත්ත්වයක් මතුව තිබෙන බවත් විපක්ෂ නායකවරයා පැවසීය.Sri Lanka Latest News
නැගෙනහිර පර්යන්තය පෞද්ගලීකරණය, බදු දීම හෝ වෙනත් ආකාරයකින් පෞද්ගලික අංශයට පැවරීම සඳහා රජය අමාත්යාංශය හෝ ශ්රී ලංකා වරාය අධිකාරිය විසින් කිසියම් ප්රතිපත්තිමය හෝ පරිපාලනමය තීන්දුවක් ගෙන ඇත්ද කියා දැන ගැනීමට අවශ්ය බවත් ලෝක බැංකු නියෝජිතයන් පිරිසක් විෂය භාර අමාත්යවරයා හමුවී වරාය සම්බන්ධ නව මූල්ය ආකෘතියක් සම්බන්ධ පෞද්ගලික සහභාගීත්වය සම්බන්ධයෙන් සාකච්ඡා කර ඇති නිසා මේ වරාය රාජ්ය පෞද්ගලික හෝ පෞද්ගලීකරණය කිරීමේ උත්සාහයක් පවතින්නේද යන්න දැන ගැනීමට අවශ්ය බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද පාර්ලිමේන්තුවේදී ස්ථාවර නියෝග 27 (2) යටතේ ප්රශ්න කරමිනි.
මෙවැනි ඉහළ ආදායමක් උපයාගත හැකි ජාතික වත්කමක් පෞද්ගලික අංශයට පැවරීමේ යෝජනාවක් ඉදිරිපත් වී ඇත්නම් ඒ තුළින් ජාතික ආර්ථිකයට සිදුවන ආදායම් බලපෑම ගැන විධිමත් ආර්ථික හා මූල්ය බලපෑම් ඇගයීමක් සිදු කර ඇත්නම් එය ඉදිරිපත් කරන ලෙසත් නැගෙනහිර පර්යන්තයේ මෙහෙයුම් සඳහා අත්යාවශ්ය උපකරණ ප්රසම්පාදනය ප්රමාද වී ඇත්නම් එම ප්රමාදයන්ට හේතුව ඉදිරිපත් කරන ලෙසත් මේ ප්රමාද නිසා බහලුම් හැසිරවීමේ ධාරිතාව හා වරායේ ආදායම් කෙරෙහි ඇතිව තිබෙන බලපෑම ඉදිරිපත් කරන ලෙසත් විපක්ෂ නායකවරයා මෙහි දී පැවසීය.
දේශපාලන පත්වීම් ලෙස සුදුසුකම් නැති අය වරාය අධිකාරියේ ඉහළ පුටුවලට
දේශපාලන පත්වීමක් නොවන වරායේ අධිකාරියේ කළමනාකරණ අධ්යයක්ෂ තනතුරු සදහා පත්වීම් සිදුකිරීමේ දී භාවිත කරනු ලබන සුදුසුකම් අත්දැකීම් සහ තේරීම් නිර්ණායක ඉදිරිපත් කරන ලෙසත් ජ්යෙෂ්ඨත්වය හා අත්දැකීම් සහිත නිලධාරීන් සිටියදී සුදුසුකම් හා අත්දැකීම් අඩු නිලධාරියකු පත්කර ඇති බවට වාර්තා වන බවත් මේ පත්වීම් සඳහා භාවිත කරන ලද නිර්ණායක සභාගත කරන ලෙසත් වාර්තා වන ආකාරයට කළමනාකරණ අධ්යයක්ෂ තනතුරට තවත් ජ්යෙෂ්ඨ පුද්ගලයන් 19ක් සිටියදී 20 වැනියා පත්කර ඇති බවත් විපක්ෂ නායකවරයා තවදුරටත් පැවසීය.
වරාය අධිකාරියේ සේවක අයිතිවාසිකම් කප්පාදු කරන්නේ ඇයි?
වරාය අධිකාරියේ විශ්රාමික සේවකයන් සදහා ලබා දෙනු ලැබූ සුබසාධන හා ප්රතිපාදන සම්බන්ධයෙන් මෑතකදී කප්පාදුවක් සිදු කර ඇත්නම් එයට හේතු ඉදිරිපත් කර එමගින් බලපෑමට ලක්වන සේවකයන් සංඛ්යාව හා එයට බලපෑ හේතු ඉදිරිපත් කරන ලෙසත් වරාය අධිකාරියේ ආදායම් සේවක අයිතිවාසිකම් හා ජාතික වත්කම් ආරක්ෂා කරන බවට විපක්ෂයේ සිටින සමයේ ජනතා විමුක්ති පෙරමුණ පොරොන්දු දුන් බැවින් එය සැලකිල්ලට ගනිමින් නැගෙනහිර පර්යන්තය ශ්රී ලංකා වරාය අධිකාරිය යටතේ පවත්වාගෙන යනවා සේම සේවක අයිතිවාසිකම් කප්පාදු නොකරන බවට සහතිකයක් ලබා දෙන ලෙස ඉල්ලා සිටින බවත් විපක්ෂ නායකවරයා පෙන්වා දුන්නේය.
