මුස්ලිම් කොංග්රස් පාර්ලිමේන්තු මන්ත්රී නිසාම් කාරියප්පර් මහතා පසුගිය 01 වැනිදා සිය කතාව අතරතුරදී විපක්ෂ නායක සජිත් ප්රේමදාස මහතා සම්බන්ධයෙන් අදහස් පළකිරීමට පියවර ගත්තේය. ඒ මහතා කියා සිටියේ පන්සිල් පද සියල්ලම ආරක්ෂා කරන එකම පක්ෂ නායකයා විපක්ෂ නායකවරයා පමණක් බවය. Sri Lanka Latest News
සජිත් ප්රේමදාස මහතා නායකත්වය දරන සමගි ජන බලවේගයේ මන්ත්රීවරුන් හෝ මෙවැනි කතාවක් නොකරන පරිසරයක මුස්ලිම් කොංග්රස් මන්ත්රීවරයකු මෙවැනි ප්රකාශයක් සිදුකිරීම විශේෂ සිදුවීමකි. කාරියප්පර් මහතා මෙම කතාව කරද්දී විපක්ෂ මන්ත්රීවරුන් අත්පොළසන් දුන් ආකාරයද දැකගත හැකි විය.
පහත පළවන්නේ නිසාම් කාරියප්පර් මහතා සිදුකළ එම අදහස් දැක්වීමෙන් උපුටාගත් කොටසකි.
‘හදවතේ ගායකයා කියලා ඉන්නවා කෙනෙක්. චාමර වීරසිංහ. ඔහු කිව්වා
‘සඳට සඳ එළියට – මලට මල් පොකුරට – කවියො කවි ලීවට – වෙනස් වේවිද මේ මිනිසුන්ගේ සිත..’
‘මේ මිනිසුන්ගේ සිත’ කියන එකට විපක්ෂය දාලා කිව්වා. කමක් නෑ. අපි ඊළඟ පද ටිකටත් යමුකො.
‘උමතුවෙන් මත්වෙලා – රාගයට ලොල් වෙලා – මනස වීදෝ මුළා – සුමුදු මල් පරවෙලා…’
දැන් 159ක්ම තියෙනවනේ. ඒ නිසා රාගයට මත්වෙන්න එපා. මම කියන්නම් මගේ වචන ටික. අපරාධ ලොව රජවෙලා – මිනිස් සිත් බයවෙලා – රටම වී මුළා – දහම ඇත සැඟවිලා. එතැන තමයි නියෝජ්ය කතානායකුමා ප්රශ්නය. සදාචාරය පිරිහිලා. මට මතක් වුණා කාගම සිරිනන්ද හිමිපාණන්ගේ බණ දේශනාවක්. උන්වහන්සේ ලස්සනට බණ කියනවා. උන්වහන්සේ ඊයේ පෙරේදා කියනවා,
‘හිර මැදිරි පිරිලා – පුනරුත්ථාපන කඳවුරු පිරිලා – ළමා නිවාස පිරිලා – මහලු නිවාස පිරිලා – වීදි දරුවෝ බෝවෙලා – අපරාධකරුවන් බෝවෙලා – හොරකම් මැරකම් ගහන වෙලා – කුඩුකාරයන් පිරිලා…’
ඊට පස්සේ උන්වහන්සේ කියනවා මේ වචනය.
‘මංමුළා වෙච්ච ලෝකයක හිඟන මට්ටමට රජයත් රජ්ජුරුවොත් වැටිලා නම් ආයෙත් කවර කතාද පුතා…’ කියලා.
උන්වහන්සේ කියන්නේ. අපි ධර්මානුකූලව ගිහිල්ලා තියෙන බව පේනවද කියලා උන්වහන්සේ අහනවා. අර සින්දුව මට අවසන් කරන්න තියෙන්නේ මෙහෙමයි.
‘අපේ ජනපතිත් අසරණ වෙලා…’
අනේ එහෙම කරන්න දෙන්නේ නෑ. අපේ ශක්තියෙන් අපිට කළ හැකි සම්පූර්ණ සහයෝගය, නීතිඥවරයෙක් විදියටත්, ජනාධිපති නීතිඥවරයෙක් විදියටත්, මමත්, විපක්ෂයේ සිටින සියලු මන්ත්රීවරුනුත් අනිවාර්යයෙන්ම ආණ්ඩුවට සම්පූර්ණ සහයෝගය දක්වනවා. කිසිම සැකයක් තියාගන්න එපා.
මට තව එක වචනයක් කියන්න දෙන්න.
විපක්ෂයේ හිත වෙනස්වීදෝ කියලා ඇහුවා. අපේ විපක්ෂ නායකතුමා නම් කවදාවත් අමුතුවෙන් හිත වෙනස් කරගන්න අවශ්ය පුද්ගලයෙක් නෙවෙයි. එතුමා මම හිතන්නේ වෙනස් හිතක් තියෙන පුද්ගලයෙක්.
ඔබතුමාලා දන්නවද, මම දන්න තරමින් පන්සිල් පද රකින එකම දේශපාලන පක්ෂ නායකයා එතුමා. ඉතින් මේ ජනතාව ඒවාට ලකුණු දෙන්නේ නෑනේ. නමුත් අද මම කියන්නම්, මේ යන ප්රවණතාව යටතේ සදාචාරයට ආදර්ශයක් වන නායකයන් අපේ ජනතාවට අවශ්ය වෙන අවස්ථාව දැන් උදාවෙලා තියෙනවා. ඒ ස්ථානය එතුමා අනිවාර්යයෙන් පුරවනවා කියලා කියමින් මගේ කතාව අවසන් කරනවා. බොහොම ස්තුතියි.
