පොඩි කාලෙ බලපු ටොම් ඇන්ඩ් ජෙරී කියන පූසාගෙයි මීයාගෙයි කාටුන් එක ඔයාලට මතක ඇති. එහෙමත් නැත්නම් අර පැස්බරා වගේ කුරුල්ලෙක් දුවනවා, ඌ පස්සෙන් නරියෙක් පන්නන රෝඩ් රනර් ෂෝ එක මතකද…? Sri Lanka Latest News
අපි පුංචි කාලේ කට ඇරගෙන බලාගෙන ඉන්නවා මීයාව දැන් අහුවෙයි දැන් අහුවෙයි කියලා. සමහර වෙලාවට මීයා අහුවුණා වගේ ඉන්නවා. සමහර වෙලාවට ඇත්තටම මීයා අහුවෙනවා. එතකොට ගෙදර නෝන මහත්තයා හරි ඇවිල්ලා මීයා බේරාගන්නවා.
කාලයක් ගිහින් ලොකු වෙනකොට අපි තේරුම් ගන්නවා මේ කාටූන් එකක් විතරයි, උන් ඔක්කොම අපිට පැය භාගෙක විතර චූන් එකක් දෙන්න ආපු එවුන් විතරයි කියලා.
අන්න ඒ ටොම් ඇන්ඩ් ජෙරී වගේ තමයි අනුරගෙ ආණ්ඩුවයි වෘත්තීය සමිතියි. දැන් වර්ජනය කරයි වගේ ඉන්නවා, කල් දානවා. බලාගෙන ඉන්න එවුන්ට පොඩි ස්වයං චූන් එකක් දෙනවා.
ලංකාවේ වෘත්තීය සමිති කියන්නෙත් මාෆියාවක් තමයි. මම ඒක එදත් කිව්වා අදත් කියනවා. ආණ්ඩු මාරුවුණා කියලා මගේ ඒ මතය වෙනස් වෙන්නෙ නෑ.
සාධාරණ වෘත්තීය අයිතිවාසිකම්, ඉල්ලීම් සහ වෘත්තීය සමිති කියන්නේ මේ රටේ දෙකක්. මේ වෘත්තීය සමිති මාෆියාවේ ආධිපත්යය එදා ඉඳන්ම දැරුවෙ වාමාංශික පක්ෂ. වසර 76ක ශාපයක් ගැන කතා කරනවා නම් මේ වාමාංශික වෘත්තීය සමිති ව්යාපාරයත් ඊට සෑහෙන ප්රමාණයකින් වගකියන්න ඕනෙ.
පහුගිය දශක කිහිපයේම මේ රටේ රෝගීන්ගේ, මගීන්ගේ, ශිෂ්යයන්ගේ සාමාන්ය ජන ජීවිතය කණපිට ගැහුවෙ මෙන්න මේ වෘත්තීය සමිති මාෆියාව. මේ වෘත්තීය සමිති මාෆියාව නිසා වෘත්තිකයන්ගේ සාධාරණ අයිතීන් උදෙසා කරන වෘත්තීය සටන්වලට පවා රටේ සාමාන්ය ජනතාව වෛර කරන්න පටන් ගත්තා. වාතයක් ගියත් වර්ජන, උද්ඝෝෂණ කරන තුට්ටු දෙකට මේ රටේ වෘත්තීය සමිති වැටුණා. කොවිඩ් වසංගතයෙන් මිනිස්සු මැරිලා වැටෙනකොට පවා මේ වෘත්තීය සමිතිකාරයො තුප්පහි විදියට පාරට බැස්සා.
ඉතිහාසය පුරාම බොහෝ විට වෘත්තීය සමිති සටන් කියලා තිබ්බෙ ආණ්ඩු විරෝධී, ආණ්ඩු වට්ටවන සටන්. කවුරු කැමැති වුණත් කවුරු අකැමැති වුණත් ඒක තමයි ඇත්ත.
ඉතිහාසයේ පළමු වතාවට රට අරාජික කරන්න, රට වට්ටවන්න, රට කාලකණ්ණි කරන්න වෘත්තීය සමිති මෙහෙය වූ කණ්ඩායමක්ම බලයට පත්වෙලා තියෙනවා. ඒක දෛවයේ සරදමක්.
මේ ආණ්ඩුව බලයට ඇවිත් මාස හයක් යන්නත් කලින් මේ රටේ ඉන්න සෑම වෘත්තිකයකුටම ඇරියා. (මම වෘත්තිකයො කියලා අදහස් කරන්නෙ වෘත්තීන් කරන හැමෝම. සමහරු වෘත්තීන් කියන්නේ දොස්තර, ඉංජිනේරු, කථිකාචාර්ය, මහාචාර්ය වැනි ඉහළ බමුණු කුලේ වෘත්තීන්ට විතරයි)
අනුරලාට බලයට එන්න ත්රීවිල් වෘත්තිකයො තමන් හම්බකරගෙන කන ත්රීවිල් එක පවා අනාචාරයේ යෙදෙව්වා. රාජ්ය සේවකයො තමන්ගෙ සේවය ගණිකා වෘත්තියේ යෙදෙව්වා. සමහර රජයේ සේවකයො අනුරගෙ රැස්වීම්වලට ආවේ සතියෙ වැඩ කරන කාලසීමාවෙ තමන්ගෙ නිල ඇඳුමෙන්. ඒ අවම වෘත්තීය සදාචාරය පවා වෘත්තීය සමිති පිළිපැද්දෙ නෑ.
පසුගිය කාලෙ කරළියේ රඟපාපු ස්ටාලින් හැර ලාල්කාන්ත, මහින්ද ජයසිංහ, නලින්ද ජයතිස්ස, නලින් හේවගේ, වසන්ත සමරසිංහ, නාමල් කරුණාරත්න ඇතුළු එකී මෙකී නොකී හැමෝම දැන් පාර්ලිමේන්තුවෙ ඇමැතිවරු.
දැන් උන්ගෙම නයි උන්වම කනවා. අපි මේ සටනෙ ප්රේක්ෂකයො විතරයි.
ඇත්තටම මේ වෘත්තීය සමිති සහ ආණ්ඩුව කියන්නෙ ගහට පොත්ත වගේ එකම කණ්ඩායමක්. ඒ නිසා බහුතරයක් වෘත්තීයවේදීන් හිතාගෙන ඉන්නවා නම් මේ වෘත්තීය සමිති තමන් වෙනුවෙන් පෙනී ඉන්නවා කියලා. පව් කියලා තමයි ඉතිං කියන්න වෙන්නේ.
මේ ආණ්ඩුව සහ වෘත්තීය සමිති කරන්නෙ ටොම් ඇන්ඩ් ජෙරී වගේ පට්ට ආතල් කාටුන් එකක්. අන්න ඒක විතරක් තේරුම් ගනිල්ලා. ඒ හින්දා ඔය වර්ජන, උද්ඝෝෂණ කියන්නෙ දැනට වචන විතරයි. අනගතයෙදී ආණ්ඩුවට විරුද්ධව දැවැන්ත මහජන නැගිටීමක් සිදුවුණොත් ඔය තත්ත්වය වෙනස් වෙයි. හැබැයි දැන් තියෙන ඇල්මැරුණු විපක්ෂය එක්ක මෑතකාලයේ එවැනි තත්ත්වයක් බලාපොරොත්තු වෙන්න එපා. වර්තමාන වෘත්තීය සමිති නායකයො මෙයාලගෙම පිල්ලි තමයි. ඒ නිසා ස්ට්රයික් ඇතිවෙනකම් බලා නොයිඳ දැන් ඔය ළමයි ගෙදර යන්න.
නිලන්ත සත්සර ගමගේ (අන්තර්ජාලයෙනි)
