ඉකුත් යහපාලන රජය සමයේදී රාජගිරියේ පිහිටි ජනප්රිය නිළි සබීතා පෙරේරා මහත්මියගේ පවුලට අයත් දැවැන්ත ගොඩනැගිල්ලක් රජයට විශාල අලාභයක් සිදුකරමින් කෘෂිකර්ම අමාත්යාංශය වෙනුවෙන් කෝටි ගණනක දැවැන්ත මුදලක් ගෙවා බදු ගැනීමේ සිද්ධිය සම්බන්ධයෙන් පවත්වමින් තිබූ විමර්ශන මේ වනවිට අවසන් වී ඇති බව දැනගන්නට තිබේ.Sri Lanka Latest News
ඒ අනුව, මෙම ගොඩනැගිල්ල බදු ගැනීම සඳහා මුල් වී කටයුතු කළ ප්රබල දේශපාලනඥයන් කිහිප දෙනකුගේ සහ නිලධාරීන් විශාල පිරිසකගේ නම් ගම් මේ වනවිට අනාවරණ වී ඇති බවක් වාර්තා වේ.
අදාළ විමර්ශනයට අනුව මෙම ගොඩනැගිල්ල බදු ගැනීම හරහා දැවැන්ත මූල්ය වංචාවක් සිදුව ඇති බවට තහවුරු කොට තිබීම නිසා ඊට සම්බන්ධ වූ සියලු දෙනාට තරාතිරම නොබලා නඩු පැවරීමට පරීක්ෂණ මෙහෙයවන කණ්ඩායම් මේ වනවිට තීරණය කොට ඇති බව දැනගන්නට තිබේ.
ඒ අනුව ඉදිරි දින කීපය ඇතුළත අදාළ නඩු පැවරීම් සිදුකිරීමට නියමිත බවද ‘මව්රට’ පුවත්පතට දැනගන්නට ඇත.
