රජය, කඩිමුඩියේ ම සම්මතකරගැනීමට සූදානම් වන මාර්ගගත ක්රමවල ආරක්ෂාව පිළිබද පනත, (එනම් ඔන්ලයින් සේෆ්ටි පනත) මේ වසරේ පැවැත්වීමට නියමිත මැතිවරණවල දී, ජනතාවගේ නිදහස් අදහස් ප්රකාශ කිරීමේ අයිතියට දැඩි බලපෑමක් එල්ල කරනු ඇතැයි, හියුමන් රයිට් වොච් සංවිධානය නිවේදනය කරයි.Sri Lanka Latest News
මෙම පනත ගෙන එන්නේ අන්තර්ජාලය ඔස්සේ සිදු කරන හිංසා කිරීම්, අපයෝජන සහ වංචාවන්ට එරෙහිව බව පැවසූවද, රජයේ වැඩි අවධානය යොමු වී ඇත්තේ, මෙම පනත හරහා, ස්ථාපිත කිරීමට යන මාර්ගගත ආරක්ෂණ කොමිසම යන නමින් යුතු කොමිසම කෙරෙහි ය.
සමාජ මාධ්යයේ පළවන යම් දෙයක් සත්යයද අසත්යය ද සහ එය සමාජයට හානිකර ද යන්න තීන්දු කිරීමේ බලය ඇත්තේ මෙම කොමිසමට යි. ඒ අනුව, අදාල පාර්ශ්වයන්ට එරෙහිව නඩු පැවරීමේ බලය මෙම කොමිසමට හිමි වේ.
මෙම කොමිසම මගින් පත් කරනු ලබන විශේෂඥ කමිටුවකට, සැකකරුවන්ගේ පරිශ්රයකට ඇතුළු වීමටත්, පරීක්ෂා කිරීම් සිදු කිරීමටත් බලය හිමි වේ.
