1980 ඉරාකය සහ ඉරානය අතර යුද්ධය කාලයේ ජවිපෙ ඉරාකයෙන් මුදල් ගෙන ශ්රී ලංකාව අවට මුහුදේ ඉරාන නැව්වලට පහරදී ගිල්ලවූ බව ජවිපෙ ඉතිහාසය ගැන ලියැවුණු පොත්වල සඳහන් වේ. ඒ ජවිපෙ නායක රෝහණ විජේවීර හිරෙන් නිදහස් වී ජවිපෙ යළි ගොඩනගන කාලයේය. අද ජවිපෙ ආණ්ඩුවක් පිහිටුවා තිබියදී ශ්රී ලංකාව අවට මුහුදේ ඉරාන නැව්වලට පහරදීම ගැන ජාත්යන්තරයේ ආන්දෝලනයක් ඇතිවී තිබේ. ඇමෙරිකානු ආරක්ෂක ලේකම් ඇමෙරිකානු සබ්මැරීනයකින් ඉරාන යුද නැවක් විනාශ කළ බව ප්රකාශ කළේය.Sri Lanka Latest News
2025 දෙසැම්බරයේදී අවි ආයුධ රැගත් චීන නැවක් ලංකාවේ මුහුදු සීමාව ආසන්නයේදී ඇමෙරිකානු විශේෂ මෙහෙයුම් ඒකකයක් විසින් සොයාගනු ලැබීය. මේ අවි ආයුධ ඉරානයට යවන ඒවා බව ඔවුන් හෙළිදරව් කරනු ලැබීය. එහෙත් ඉරානය සහ චීනය ඇමෙරිකාවේ එම චෝදනා ප්රතික්ෂේප කළහ.
2025 නොවැම්බරයේ ඉරානයට අවශ්ය යුද උපකරණ ගෙන යන චීන නැව් ලංකාවේ කොළඹ වරායට පැමිණ ඇති බව ඇමෙරිකාව ලංකා ආණ්ඩුවට දැනුම් දෙනු ලැබීය. මෙම නැව් පරීක්ෂා කිරීමට තමන්ට අවස්ථාව දෙන ලෙස ඇමෙරිකාව ඉල්ලා සිටියත් ලංකා ආණ්ඩුව චීනය තරහා කරගන්න කැමැති වූයේ නැත. මන්ද චීනය තම නැව් පරීක්ෂා කිරීමට ඇමෙරිකාවට ඉඩ දීම ගැන විරෝධය පළකළ නිසාය.
ඉරාන යුද්ධය ඇතිවෙන්න කලින් සිටම ඇමෙරිකාව ලංකා මුහුද අවට ඉරාන නැව් සහ කොළඹ වරාය හරහා ඉරානයට යන නැව් ගැන ඇස ගසාගෙන සිටියේය.
අනුර කුමාර ජනාධිපති වූ විගස ඇමෙරිකාව ඇමෙරිකානු පුරවැසියන්ට ලංකාවේ සංචාරය නොකරන ලෙස සංචාරක අවදානමක් නිකුත් කළේය. අනුර කුමාර සහ අලුත පත්වූ ඔහුගේ ආණ්ඩුව මෙම සංචාරක අවදානම් නිවේදනයට බය විය. මෙම නිවේදනයට හේතු වූයේ ලංකාවේ ඊශ්රායල සංචාරකයන් ඉලක්ක කොට ත්රස්ත ප්රහාරයක් එල්ල කිරීමට සූදානම් වෙන බවට වූ බුද්ධි තොරතුරකි. ඇමෙරිකාව මෙම සංචාරක අවදානම් නිවේදනය නිකුත් කළේ 2025 මහ මැතිවරණය මැද්දේය. මැතිවරණ ප්රතිඵලයට මෙය අවාසිදායක ලෙස බලපානු ඇතැයි බියවූ අනුරගේ ආණ්ඩුව මේ සම්බන්ධ විමර්ශනවලට ඇමෙරිකාවට ඉඩ දුන්නේය. මහ මැතිවරණයට දිනකට කලින් ඇමෙරිකාව මෙම සංචාරක අවදානම් නිවේදනය ඉවත් කරගත්තේය. අනුරගේ ආණ්ඩුව මෙය විශාල ජයග්රහණයක් ලෙස පෙන්නුවේය. ඇමෙරිකාව තම ආරක්ෂක අවශ්යතා සඳහා අනුරගේ ආණ්ඩුව මෙල්ල කරගත්තේ එලෙසය. එතැන් සිට අනුරගේ ආණ්ඩුව ඇමෙරිකානු ආරක්ෂක අංශවලට ඔවුන්ගේ අවශ්යතා සඳහා ලංකාවේ ආරක්ෂක අංශ සමග ගනුදෙනු කිරීමට ඉඩ දුන්නේය. ඇමෙරිකානු ඉන්දියා පැසිෆික් කමාන්ඩ්හි අණ දෙන්නා ලංකාවට පැමිණ අනුර හමුවූයේ මින් පසුවය. ඉරාන යුද්ධයට දින කිහිපයකට පෙර යූ.එස්. පැසිෆික් කමාන්ඩ් අද්මිරාල් ස්ටීව් පැමිණ ආරක්ෂක නියෝජ්ය ඇමැති සහ විදේශ නියෝජ්ය ඇමැති හමුවිය.
මෙයින් පේන්නේ ඇමෙරිකාව තරහා කරගැනීමට අනුරගේ ආණ්ඩුව දක්වන බිය ඇමෙරිකාව තම වාසියට හරවාගෙන ඇති ආකාරයය.
