ජනතාවට දරා ගත නොහැකි ආකාරයට තෙල් මිල ඉහළ නැංවීම හරහා ආණ්ඩුවත්, ආණ්ඩුවේ ප්රධානීනුත් අපහසුතාවට ලක්වීම හේතුවෙන් වහාම තෙල් මිල යලිත් වතාවක් පහත හෙලීමට ආණ්ඩුව සැලසුම් කර ඇති බව දැනගන්නට ඇත.
ඒ අනුව තෙල් මිල යළිත් වතාවක් සංශෝධනය කිරීම සදහා ආණ්ඩුව විසින් කමිටුවක් පත් කිරීමට තීරණය කර ඇති බව දැනගන්නට ඇත.
තෙල් මිල සිකුරාදා රාත්රියේ සිට ඉහළ දැමීමට කටයුතු කිරීමත් සමග දැඩි ජනතා විරෝධයක් ඊට එරෙහිව මතුවන ආකාරයක් දැකගන්නට ලැබිණ.
මීට අමතරව සමාජ මාධ්ය ජාලා ඔස්සේද ආණ්ඩු විරෝධී ප්රචාරක මෙහෙයුමක් දියත් වෙමින් පැවැති අකාරයක්ද දැකගන්නට ලැබිණ.
මේ තත්ත්වයන් යටතේ ආණ්ඩුව ඇතුළේ යළිත් වතාවක් තෙල් මිල පහත දැමීම සම්බන්ධයෙන් සාකච්ජා වටයත් ආරම්භ වී ඇති ආකාරයක් දැකගන්නට තිබේ.
එමෙන්ම පොහොට්ටුව විසින් අමාත්ය උදය ගම්මන්පිල මහතාට මෙහි වගකීම භාරගෙන ඉල්ලා අස්වන ලෙසට ලිඛිතව දැනුම් දීමටද පියවර ගෙන තිබිණ.
එවැනි තත්ත්වයක් මතුව තිබියදීත් ගම්මන්පිල මහතා වෙනුවෙන් කිසිදු මැතිඇමැතිවරයකු පෙනී නොසිටීමද විශේෂ සිදුවීමක් ලෙද දැකගත හැකි විය.
