පාර්ලිමේන්තුවේ බහුතරය පෙන්වීම සඳහා පක්ෂවලින් මන්ත්රීවරුන් ගැනීමේ ක්රියාවලියකට යොමු නොවන ලෙසත්, අවශ්ය අවස්ථාවලදී විපක්ෂයේ සිට සහාය ලබාදීමට හැකි බවත් අගමැතිවරයා සමග අද පෙරවරුවේ පැවැති සාකච්ඡාවකදී ශ්රීලනිප මහ ලේකම් දයාසිරි ජයසේකර මහතා රනිල් වික්රමසිංහ මහතාට දැනුම්දී ඇත.
එසේ පක්ෂ කඩා සාමාජිකයන් ලබාගත හොත් නව ආණ්ඩුවටද වැඩිදුර යා නොහැකි වනු ඇති බවද දයාසිරි ජයසේකර මහතා අගමැතිවරයාට එහිදී දැනුම්දී ඇත.
ආණ්ඩුවට සහාය දෙන්නේ කසේද යන්න සම්බන්ධයෙන් තීන්දු ගැනීමේ සම්පූර්ණ බලය මෛත්රිපාල සිරිසේන මහතා සතුවිය යුතු බවද මෙහිදී ජයසේකර මහතා අගමැතිවරයාටද දැනුම්දී ඇත.
විපක්ෂයේ සිට ආණ්ඩුවේ හොඳ දේ සඳහා සහාය ලබාදෙන බව ද ජයසේකර මහතා සඳහන් කර ඇත.
කෙසේ වෙතත් ඊයේ දින මාධ්ය වාර්තා කොට තිබුණේ නිමල් සිරිපාල ද සිල්වා, දුමින්ද දිසානායක, ලසන්ත අලගියවන්න, මහින්ද අමරවීර සහ ජගත් පුෂ්පකුමාර යන මහත්වරුන් නව ආණ්ඩුවට එක්වී ඇමැති ධුර ලබාගැනීමට සූදානමින් සිටින බවකි.
