අපි දැනගෙන හිටියේ නැතිවුණාට මේක මේ හරක් කතාවක්. මොකක්ද හරක් කතාව? හරක් කතාව තමයි අපේ රටේ සල්ලි ඩොලර් මිලියන 2.5ක්, කෝටි 80කට ආසන්න මුදලක් ඔස්ටේ්රලියාවට යවන්න ගිහිල්ලා ඒක ඔස්ටේ්රලියාවට යවනවා වෙනුවට වෙන කාගෙදෝ ගිණුමකට යැව්වාය කියන එක, නැත්නම් හැකර් කෙනෙක් ගැන ආණ්ඩුව විස්තර කරන කතාව හරක් කතාවක්. ඒ කියන්නේ එහෙම කතා සාමාන්යයෙන් අපිට ඕනෑ තරම් අහන්න හම්බ වෙනවා.Sri Lanka Latest News
හැබැයි මේ කතාවට හරක් කතාවක් කියලා කිව්වහම අපිට විශ්වාසයි අපිට මුදල් අමාත්යාංශයේ ඉඳලා සියලු නිලධාරීන්ට මේක කිව්වම රිදෙනවා. එහෙම කතාවකට හරක් කතාවක් කියලා කියන එක එච්චර හොඳ වැඩක් නෙමෙයි. හැබැයි මේ වාරිකය ගෙවීමට නොහැකි වීම නිසා අපිට ලොකු ප්රශ්නයකට මුහුණ දෙන්න වෙන බවත් ඇත්ත. මේ සල්ලි යවලා තියෙන්නේ කාටද කියන එක අදාළ ණය වාරිකය ලැබිය යුතු පුද්ගලයාට අදාළ නැහැ කියන එකත් ඇත්ත. ඒගොල්ලෝ මේක තාක්ෂණික ණය පැහැර හැරීමක් විදිහට නම් කරන්නත් නියමිතයි.
දැන් මෙතැන තියෙන ප්රශ්නය තමයි අයි.එම්.එෆ්. වැඩපිළිවෙළ යටතේ ඔස්ටේ්රලියාව පැරිස් සමාජයේ සාමාජිකයෙක් ලෙස 2025 ඔක්තෝබර් මාසේ 27 වැනිදා ශ්රී ලංකාව සමග නිල වශයෙන් ණය ප්රතිව්යුහගත කිරීමේ ගිවිසුමකට එළැඹිලා තියෙනවා. ඒ ගිවිසුමත් එක්ක ඇමෙරිකන් ඩොලර් මිලියන 39ක සමස්ත ණය මුදල ගෙවීම සඳහා අපිට සහන කාලයක් දුන්නා. මෙන්න මේ සහන කාලය අතරතුරේ තමයි මේ සහනය අසහනය බවට පත්වෙලා වැඩේ වෙලා තියෙන්නේ.
මේ සඳහා භාණ්ඩාගාර නිලධාරීන් 13 දෙනෙක් වගකිව යුතු බව ඇතැම් තැන්වල සඳහන් වෙලා තියෙනවා. අයි.එම්.එෆ්. එක අපි දිහා බලන් ඉන්නවා. අයි.එම්.එෆ්. එක දන්නවා අයි.එම්.එෆ්. එකත් එක්ක නිල වශයෙන් ගනුදෙනු කරන්නෙත් මේ භාණ්ඩාගාරයේ ඉන්න කට්ටියම තමයි. භාණ්ඩාගාරයේ මේ පැහැර හැරීම සිදුකරපු 13 දෙනාගෙම වැඩ සම්බන්ධව නිසි පියවරක් ගන්නට අපි රජයට නම් බල කරනවා. මොකද ඒකට හේතුව මෙවැනි පැහැර හැරීමක් මේ 13 දෙනා අතින් සිද්ධ වෙලා තියෙනවා නම් ඉන් ලංකාවට සිද්ධ වෙන මූල්ය පාඩුව ඒ අයගෙන් අය කරගත යුතුයි නේද කියලා අපිට නිකමට හිතෙනවා.
දැන් ප්රශ්නය තියෙන්නේ මොකක්ද මේ ‘හරක් කතාව’? මේ හරක් කතාව තමයි ඒ ගත්ත ණයෙන් අපි කිරි හරක් ගෙනාවාය කියලා කියන කතාව. මේ කිරි හරක් ගෙනල්ලා තියෙන්නේ හැරිසන් මහත්තයාගේ කාලේ. හැරිසන් මහත්තයා කරපු මේ හරක් වැඩෙන් ලංකාවට ලැබුණු ප්රතිලාභය මොකක්ද? හරක් වැඩේ කිව්වට හැරිසන් මහත්තයා තරහ වෙන්න එපා. මේ හරක් වැඩේ කියලා කිව්වේ හරක් ගෙන්වපු වැඩේ ගැන. දැන් මේ වෙලාවේ මේ කරපු හරක් වැඩෙත් එක්ක මේ හරක් ගනුදෙනුව නිකම් අපිටත් ලැජ්ජාසහගත විදිහට නිමාවෙලා තියෙන නිසා දිගට දිගටම ‘හරක් හරක් හරක්’ කියලා කියනවා නෙමෙයි.
මේ ණය ගෙවන්නේ ඔස්ටේ්රලියාවෙන් යහපාලන කාලේ පී. හැරිසන් ගෙනාපු කිරි හරක් වෙනුවෙන් කියලා කොහේදෝ තැනක සඳහන් වෙලා තිබිලා තියෙනවා. ඉතින් ඒ කිරි හරක් ගෙන්වීම සම්බන්ධවත් අපිට මතක හැටියට නඩු හබ එහෙමත් තියෙනවා. මේ කිරි හරක් ගෙන්වීමේ වැඩපිළිවෙළෙන් ලංකාවට නිසි ප්රයෝජනයක් වුණෙත් නැහැ. ඒකෙන් ලැබුණු ප්රතිලාභය මොකක්ද කියලා ප්රශ්න කරන තැනකට පත්වෙලා තියෙනවා.
කිරි හරක් ගෙන්වීමෙන් කිරි කාහටද හම්බ වුණේ? කිරි හරක් ගෙන්නලා උපයා ගත් මුදල මොකක්ද? මේ කිරි හරක් සම්බන්ධව කෝටි 80ක් විතර ණය මුදලක් අරන් තියෙනවා. කෝටි 80ක් කියන්නේ සම්පූර්ණ මුදල නෙවෙයි. එතකොට මොකක්ද ලැබුණු ප්රතිලාභය? මේ හරහා අපිට විශාල පරිප්පුවක් කන්න වෙන එක වෙනම කතාවක්. ඒකට හැරිසන් මහත්තයට කරන්න දෙයක් නැහැ. ඒ කියන්නේ හැරිසන් මහත්තයට හෝ හැරිසන් මහත්තයා ගෙනාපු හරකුන්ට ඒකට කරන්න දෙයක් නැහැ. ඒකට වග කියන්න ඕනේ වෙන වෙන අය. ඒගොල්ලෝ හරක් නෙමෙයි. මේ හරක් කියලා අපි කියන්නේ කිරි හරක්ට. මේ කිරි හරක් ගෙන්නලා ඒ කිරි හරක්ගෙන් අපි විශාල මුදලක් හම්බ කරලා අපි කිරි හරක්ගෙන් තවදුරටත් රටේ ණය ගෙවලා කිරි හරක්ගෙන් හම්බ කරගත්ත සල්ලි මේ ඩොලර් මිලියන 2.5ක් නම් ඒක හොඳයිනේ. ණය ගත්තා, ණය ගත්ත ඒවායින් කිරි හරක් ගත්තා, කිරි හරක්ගෙන් අපි දැන් ණය ගෙවනවා. හැබැයි ඒක එහෙම වෙලා නැහැ කියලා අපිට විශ්වාසය තියෙන්නේ. ඒ නිසා මේ හරක් ප්රශ්නය සහ මේ හරක් කතාව මේකට සම්බන්ධ වන බව අපේ රටේ ගොඩදෙනෙක් දන්නේ නැහැ.
කොහොම වුණත් අපිට ප්රශ්න කරන්න තියෙන්නේ දැන් ණය ගෙවුවද? බොරු කළාද? හැකර් කෙනෙක් ඉන්නවාද? ඒ කතාව එකක්. අනිත් පැත්තෙන් කිරි හරක් ගෙනල්ලා අපිට ලැබුණු ප්රතිලාභය මොකක්ද? අපි ඒකෙන් කීයක් හම්බ කළාද? ඒ හරක් කොහේද ඉන්නේ කියන එක තව එකක්. ඊළඟට හරක් වෙනුවෙන් ණය ගෙවන්න ගිහිල්ලා මේ ණය නිසා අපිට අයි.එම්.එෆ්. එකේ තියෙන අවධානය ප්රශ්නයකට හැරුණොත් එහෙම, එතකොට අපේ ණය ගෙවන්න අපිට කවුද මේ සඳහා උදව් කරන්නේ?
අයි.එම්.එෆ්. එක දැන් අපි මේ සල්ලිවලින් පිස්සු නටන හැටි දැකලා ආයේ අපිට සල්ලි නොදී හිටියොත් අපිට මොකද වෙන්නේ? මේ ප්රතිව්යුහගත කරපු ණය, ඒ කියන්නේ ණය අපිට අමාරු කාලේ ගන්නෙ නැතුව ඉඳලා අපිට ආයේ ගෙවන්න අවස්ථාව දුන්න ණය. ඒ නිසා මේ වගේ හරක් වැඩ ආයේ කරනවා නම් පොඩ්ඩක් බලලා කරන්න කියලා අපි කියනවා මහ බැංකුවට නෙමෙයි හැරිසන් මහත්තයට.
ජීවන පහන් තිළිණ
