සර්වජන බලය පක්ෂයට මෙවර පාර්ලිමේන්තු මැතිවරණයෙන් හිමිව ඇති ජාතික ලැයිස්තු මන්ත්රී ධූරය සඳහා එම පක්ෂයේ නායක ව්යාපාරික දිලිත් ජයවීර මහතා නම් කිරීමට සූදානමක් ඇතැයි වාර්තා වෙයි.Sri Lanka Latest News
එම පක්ෂය පක්ෂයේ විධායක සභාව තීන්දු කර ඇත්තේ ජාතික ලෙස මන්ත්රී ධූරය සඳහා පාර්ලිමේන්තුව නියෝජනය කිරීමේ අවස්ථාව දිලිත් ජයවීර මහතාට ලබා දිය යුතු බවය.
එම පක්ෂය මෙවර මහ මැතිවරණයේදී ඡන්ද 178,006ක ප්රමාණයක් ලබාගෙන තිබූ අතර ඊට ජාතික ලයිස්තු මන්ත්රීය ධුරයක් පමණක් හිමි වී තිබේ.
කෙසේවෙතත් ගම්පහ දිස්ත්රික්කයෙන් දිලිත් ජයවීර හට මෙවර මහමැතිවරණයෙන් දරුණු පරාජයක් අත්වී තිබිණ.
එමෙන්ම ඉකුත් ජනාධිපතිවරණයේදීද දිලිත්ට හිමිවූයේ ඡන්ද 122,096කි. ඔහු සිටියේ 6 වැනි ස්ථානයේය.
තමන්ට අයත් දෙරණ රූපවාහිනී නාළිකා, ගුවන්විදුලි නාළිකා හා පුවත්පත් ඇතුළු මාධ්ය ජාලයම යොදාගෙන දැවැන්ත ප්රචාරක ව්යාපාරයක් දියත් කළත් දිලිත්ට ගම්පහින් හෝ ජයගැනීමට නොහැකි වීම විශේෂ සිදුවීමක් විය.
