මැතිවරණයක් පෙනෙන තෙක් මානයකවත් නැතිව පක්ෂයක ඉදිරි වැඩපිළිවෙළ ප්රකාශයට පත් නොකරන බවත්, ඉදිරි මැතිවරණයකදී එම වැඩ පිළිවෙළ ඉදිරිපත් කිරීම සදහා මේ දිනවල පක්ෂයේ විශේෂ කමිටුවක් සාකච්ජා පවත්වමින් සිටින බවත් විපක්ෂයේ ප්රධාන සංවිධායක පාර්ලිමේන්තු මන්ත්රී ලක්ෂ්මන් කිරිඇල්ල මහතා සදහන් කර සිටියේය.
විශේෂ ප්රකාශයක් කරමින් ඒ මහතා කියා සිටියේ 15 දෙනකුගෙන් සමන්විත මෙම කණ්ඩායම දැනටමත් සාකච්ජා වට 5ක් පවත්වා ඇති බවකි.
ඊළග ජනාධිපතිවරණය පැවැත්වෙන්නේ 2024 බවත්, මහමැතිවරණය පැවැත්වෙන්නේ 2025 දී බවත් පෙන්වා දුන් කිරිඇල්ල මහතා මුහුද හත්ගව්වක් තියා අමුඩ ගැසීමේ සිරිතක් නැති බවත් පෙන්වා දුන්නේය.
සමගි ජන බලවේගය යනු අලුත් පක්ෂයක් බවත්, එහි ඉදිරි වැඩපිළිවෙළ මැතිවරණය ආසන්නයේදී රටට ඉදිරිපත් කරන බවත් කිරිඇල්ල මහතා කියා සිටියේය.
