ඉන්දියාවේ නැගෙනහිර ප්රදේශයේදී දුම්රිය තුනක් එකිනෙක ගැටීමෙන් සිදුවූ අනතුරකින් අවම වශයෙන් මගීන් 210 දෙනෙකුවත් මියගොස් තවත් පුද්ගලයන් 900 කට අධික ප්රමණයක් තුවාල ලබා ඇතැයි වාර්තා වේ.
සිකුරාදා පස්වරු 7ට පමණ සිදුවූ මෙම අනතුරේදී ‘කොරොමැන්ඩල් එක්ස්ප්රස්’ දුම්රිය පීලි පැන එහි මැදිරි කිහිපයක් යාබද දුම්රිය මාර්ගයට වැටී ඇති අතර ප්රතිවිරුද්ධ දිශාවෙන් එමින් සිටි ‘ හවුරා සුපර් පාස්ට් එක්ස්ප්රස්’ දුම්රිය එම මැදිරි වල ගැටීමෙන් අනතුර සිදුවී ඇත. ඒ අතර එහි නවතා තිබූ භාන්ඩ ප්රවාහන දුම්රියක්ද අනතුරට සම්බන්ධ වී ඇතැයි ඉන්දීය දුම්රිය බලධාරීන් ප්රකාශ කලා.
මේ වන විටත් අනතුරට ලක්වූවන් ගලවා ගැනීමේ මෙහෙයුම් සිදු කෙරෙන අතර අනතුර සිදුවූ ස්ථානයට ගිලන් රථ 200 ක් පමණ යවා ඇතැයි ප්රකාශ වේ. ඒ අතර අතිරේක වෛද්යවරුන් 100 ක් පමණද ඒ වෙනුවෙන්ම සූදානම් කර ඇතැයි ඉන්දීය සෞඛ්ය අංශ ප්රකාශ කරනවා. දිවි ගලවා ගත් මගීන් තව දුරටත් සුන්බුන් අතර දිරවී ඇත්දැයි තවදුරටත් පරීක්ෂණ සිදු කෙරෙමින් පවතී.
‘Coromandel Express’ ‘Howrah Super Fast Express’
