අමෙරිකානු කථානායක නැන්සි පෙලෝසි තායිවානයට පැමිණීමත් සමග චීනය ද ඊට දැඩි ප්රතිචාර දැක්වීම ආරම්භ කර තිබෙනවා.
ඒ අනුව චීනය පැවසුවේ සිය හමුදාව අද සිට දින 03 ක් හමුදා අභ්යාස පවත්වන බවයි.
තායිවාන මුහුදු සීමාව ආශ්රිතව පවත්වන මෙම හමුදා අභ්යාස හේතුවෙන් සිවිල් නැව් හා ගුවන් යානාවලට එම කලාපයට ඇතුළුවීම ද චීනය විසින් තහනම් කර ඇති බවයි විදෙස් මාධ්ය වාර්තා කළේ.
මේ අතර චීන විදේශ කටයුතු අමාත්යංශය විසින් එරට අමෙරිකානු තානාපතිවරයාට හදිසි කැඳවීමක් සිදුකර ඇති බව ද විදෙස් මාධ්ය වාර්තා කළා.
කෙසේවෙතත් චීනයේ මෙම ප්රකෝපකාරී ක්රියාවන්ට ප්රතිචාර දක්වමින් අමෙරිකාව පැවසුවේ සිය කථානායකවරියගේ තායිවාන සංචාරය අර්බුදයක් බවට පත් කර ගත යුතු නැති බවයි.
එහෙත් චීනය විසින් තායිවානය සලකනු ලබන්නේ සිය රටට අයත් කොටසක් ලෙසයි.
