වලස්මුල්ලේ බීඩී නිෂ්පාදකයකු ගේ බලපත්රය ඉකුත් ජූනි 26 වැනිදායින් අවසන් වී තිබුණු අතර, ඒ හේතුවෙන් ඉකුත් 18 වැනිදා තංගල්ල සුරාබදු ඒකකයේ ස්ථානාධිපතිවරයා ඇතුළු කණ්ඩායමක් එහි ගොස් නිෂ්පාදකයාට නඩු පවරන බව පවසා තිබේ.Sri Lanka Latest News
පසු ව එය නඩු මඟට නොයා විසඳා දීමට නම්, රුපියල් ලක්ෂ 14ක මුදලක් බීඩි නිෂ්පාදකයා ගෙන් ඉල්ලා ඇති බවට වාර්තා වන අතර, ඔහු එයට විරෝධය පළ කර තිබිණි.
මේ හේතුවෙන් එම පුද්ගලයා ත්රිරෝද රථයකින් පැහැරගෙන ගොස් පහර දී රුපියල් ලක්ෂ 10ක මුදලක් බලහත්කාරයෙන් ලබාගෙන ඇති බවට වාර්තා වන අතර, ඊට අදාළ CCTV දර්ශන ද අප වෙත ලැබී ඇත.
කෙසේ වෙතත් පසු ව මෙම සිද්ධිය සම්බන්ධයෙන් බීඩි නිෂ්පාදකවරයා වලස්මුල්ල පොලීසියට පැමිණිල්ලක් ද සිදු කර ඇත.
ඒ අනුව විමර්ශන ඇරඹූ තංගල්ල කොට්ඨාස අපරාධ විමර්ශන ඒකකය, මීට සම්බන්ධ වූ සැකකරුවන් 05 දෙනෙකු ඊයේ (25) අත්අඩංගුවට ගෙන තිබේ.
අත්අඩංගුවට ගෙන ඇත්තේ, තංගල්ල සුරාබදු ඒකකයේ ස්ථානාධිපතිවරයා, සුරාබදු නියාමකවරුන් දෙදෙනෙක්, සුරාබදු නියාමක රියදුරකු සහ යුද හමුදා සැරයන්වරයෙකි.
අත්අඩංගුවට ගත් සැකකරුවන් වලස්මුල්ල මහෙස්ත්රාත් අධිකරණයට ඉදිරිපත් කිරීමෙන් අනතුරු ව ඔක්තෝම්බර් මස 05 වැනිදා දක්වා රක්ෂිත බන්ධනාගාරගත කිරීමට මහෙස්ත්රාත්වරයා නියෝග කර ඇත.
දෙරණ
