මහරගම අපේක්ෂා රෝහල ඇතුළු දිවයිනේ පිළිකා වෛද්ය ප්රතිකාර සිදුකරන රෝහල් රැසක නවතම පිළිකා වෛද්ය ප්රතිකාරවලට ලක්වීම සඳහා පහසුකම් සීමාවීම නිසා පිළිකා විකිරණ වෛද්ය ප්රතිකාර ලබාගැනීම සඳහා පොරොත්තු ලේඛනවල රැඳීසිටීමට සිදුවන ප්රමාණය ඉහළ යාමෙන් එම රෝගීන්ගේ ජීවිත අවදානමකට ලක්ව ඇති බව වෛද්ය හා සිවිල් අයිතිවාසිකම් පිළිබඳ වෛද්යවරුන්ගේ වෘත්තීය සමිති සන්ධානයේ සභාපති විශේෂඥ වෛද්ය චමල් සංජීව මහතා සඳහන් කරයි.Sri Lanka Latest News
දැනටමත් රෝගීන් පෙන්වා දෙන අන්දමට මහරගම පිළිකා රෝහලේ අයිඩින් වෛද්ය ප්රතිකාරය සඳහා මාස හයකට පමණ කාලසීමාවක් බලාසිටීමට සිදුවන බව ඔහු පෙන්වා දෙයි. මේ අන්දමට පිළිකා වෛද්ය ප්රතිකාර ලබාගැනීම සඳහා දීර්ඝ කාලයක් පොරොත්තු ලේඛනවල රැඳීසිටින විට පිළිකාව වර්ධනය වී රෝගීන් මියයාමේ අවදානම ඉහළ යන බවද සඳහන් කරන අතර, මුදල් ඇති රෝගීන් පමණක් පෞද්ගලික අංශයේ ඉතා ඉහළ මිල ගණන් ගෙවා වෛද්ය ප්රතිකාර ලබාගන්නා බවද සඳහන් කරයි.
අලුතෙන් පිළිකා වෛද්ය ප්රතිකාර යන්ත්ර මිලදී ගැනීම සඳහා භාණ්ඩාගාරයේ සහ ආසියානු සංවර්ධන බැංකුව මුදල් වෙන්කොට ඇතත් එම ප්රසම්පාදන යාන්ත්රණවල පවතින ප්රමාදය නිසාද රෝගීන්ට තම වෛද්ය ප්රතිකාර ලබාගැනීමේ අපහසුතා නිර්මාණය වී පවතින බව ඔහු වැඩිදුරටත් සඳහන් කළේය.
මීට අමතරව ඇතැම් පිළිකා ඖෂධ, CT, MRI, CT cardiac angiogram පරීක්ෂණ සිදුකිරීමේ පහසුකම් සීමාවීම නිසාද අදාළ වෛද්ය ප්රතිකර්ම හා ශල්යකර්ම බලාපොරොත්තුවෙන් සිටින රෝගීන්ගේ ජීවිත අවදානමට පත්වීම ඉහළ ගොස් ඇති අතර, මේ සම්බන්ධව කඩිනමින් ජනාධිපතිවරයාගේ අවධානයට යොමුකළ යුතු බවද ඔහු සඳහන් කරයි.
