ජ්යෙෂ්ඨ සිවිල් සේවකයෙකු මෙන්ම කීර්තිමත් රාජ්ය පරිපාලන නිලධාරියෙකු වූ දේශමාන්ය බ්රැඩ්මන් වීරකෝන් මහතා අභාවප්රාප්ත වී තිබේ.Sri Lanka Latest News
මියයන විට ඒ මහතා 94 වන වියේ පසුවුණි.
බ්රැඩ්මන් වීරකෝන් මහතා කළුතර හෝලි ක්රොස් විද්යාලයයේ මුලික අධ්යාපනය ලබා පසුව ගුරුතලාවේ ශාන්ත තෝමස් විද්යාලයෙන් ද්වීතීය අධ්යාපනයෙන් පසු පේරාදෙණිය විශ්වවිද්යාලයට ඇතුළත් වී තිබුණි.
එම විශ්වවිද්යාලයයෙන් ආර්ථික විද්යාව සහ සමාජවිද්යාව විෂයයන්ගෙන් ගෞරව උපාධියක් ලබා ඇති ඔහු Fulbright ශිෂ්යත්වයක් ලබා අමෙරිකා එක්සත් ජනපදයේ මිචිගන් විශ්වවිද්යාලයයෙන් සමාජ විද්යාව පිළිබඳ ශාස්ත්රපති (MA) උපාධියක් හිමිකර ගත් අයෙකි.
1954 වසරේදී ශ්රී ලංකා සිවිල් සේවයට බැඳුනු ඔහු, දිවයිනේ ප්රදේශ කිහිපයකම සේවය කර ශ්රීමත් ජෝන් කොතලාවල අගමැතිවරයාගේ ලේකම් වශයෙන් පත්වී 2002 වසර දක්වාම තේරී පත්වූ අගමැතිවරුන් හත්දෙනෙකුගේ සහ ජනාධිපතිවරුන් දෙදෙනෙකුගේ ලේකම්වරයා වශයෙන් අද්විතීය සේවයක් කර තිබේ.
