ජූලි නම වන දා පැන නැගුණු මහජන අරගලය සදහා තමන් සිය පූර්ණ ආශිර්වාදය ලබා දෙන බව මහබැංකු විධායක නිළධාරීන්ගේ සංගමය පවසා තිබේ.
මෙරට ආර්ථිකය විනාශ කිරීම සදහා සෘජුව මැදිහත් වූ පාලනයකට එරෙහිව පැන නැගුණු එම ජනතා අරගලයට තම සංගමයේ ආශිර්වාදය හිමිවන බව පවසා ඇති මහබැංකු විධායක නිළධාරීන්ගේ සංගමය, එදින ජනතාවට ලබා දුන් පොරොන්දු ප්රකාරව අග්රාමාත්යවරයා සහ ජනාධිපතිවරයා සිය ධූරවලින් ඉල්ලා අස්විය යුතුව ඇති බවටද අවධාරණය කරයි.
මහබැංකු නිළධාරීන් විසින් ලබා දෙන වෘත්තීමය උපදෙස් හෝ තාක්ෂණ උපදෙස් පසෙකලා, පටු දේශපාලන අරමුණු මත පිහිටා සිදු කරන ලද දුර්වල ආර්ථික කළමණාකරණයක ප්රතිඵල රට මේ මොහොතේ භුක්ති විදිමින් සිටින බව මහබැංකු විධායක නිළධාරීන්ගේ සංගමය පවසයි.
එමෙන්ම, දුර්වල සහ දූෂිත දේශපාලන නායකත්වයත් – රට තුළ පවතින දේශපාලන අස්ථාවරභාවයත් හේතුවෙන් ජාත්යන්තරයෙන් කිසිදු සහායක් රටට නොලැබෙන තත්ත්වයක් උදා වී ඇති බවත්, ඒ හේතුවෙන් රට ඛේදනීය ඉරණමකට ගොදුරුව සිටින බවත් මහබැංකු විධායක නිළධාරීන්ගේ සංගමය අවධාරණය කර තිබේ.
ජන අරගලය රටට යහපතක් උදාකරනු ඇතැයි මහබැංකු විධායක නිළධාරීන්ගේ සංගමය, පොරොන්දු වූ පරිදිම ජනාධිපතිවරයා සහ අග්රාමාත්යවරයා සිය දූරවලින් ඉවත්ව යනු ඇතැයි අපේක්ෂා කරන බවද පවසයි.
