රිෂාඩ් බදියුදින් මහතා තමාට දුරකථනයෙන් කථා කළා යයි කුරුණෑගල, හිටපු ජේෂ්ඨ පොලිස් අධිකාරී මහින්ද දිසානායක මහතා විසින් දෙනු ලැබූ සාක්ෂිය සම්ර්පූර්ණයෙන්ම අසත්යයක් බව රිෂාඩ් බදියුදින් මහතා සදහන් කරයි.
පාර්ලිමේන්තු මන්ත්රී හා හිටපු අමාත්ය රිෂාඩ් බදියුදින් මහතා ඔහුගේ නීතිඥ රුෂ්ඩි හබීබ් මහතා මගින් පාස්කු ඉරිදා ප්රහාරය සම්බන්ධ ජනාධිපති කොමිෂමට දන්වා සිටින්නේ කුරුණෑගල හිටපු ජේෂ්ඨ පොලිස් අධිකාරී, මහින්ද දිසානායක මහතා විසින් ජනාධිපති කොමිෂම ඉදිරියේ සාක්ෂි දෙමින්, රිෂාඩ් බදියුදීන් දුරකථන මාර්ගයෙන් හෝ වෙනත් ආකාරයකින් කථා කරන ලදැයි කියන ලද ප්රකාශය සම්පූර්ණයෙන් අසත්යයක් බවයි.
ජනාධිපති කොමිෂන් සභාවට ලිපියක් යවමින් රිෂාඩ් බදියුදින්ගේ නිතිඥවරයා සදහන් කරන්නේ, මහින්ද දිසානායක මහතා සදහන් කරන පරිදි ඔහු සමග තම සේවාදායකයා දුරකථනයෙන් හෝ වෙනත් ආකාරයෙන් කතා කර නොමැති බවයි.
ඔහු සදහන් කරන්නේ කුරුණෑගල රජයේ රෝහලට අනුයුක්තව සිටි රජයේ වෛද්යවරයෙක් වන දොස්තර ෂාපි ඇප මත මුදා හැරීමෙන් පසු රිෂාඩ් බදියුදින් ඔහුට දුරකථනයෙන් කථා කළ බව “සම්පූර්ණයෙන් අසත්යයක්” බවයි.
නිතිඥවරයා කොමිෂන් සභාවෙන් ඉල්ලා සිටින්නේ දිසානායකගේ දුරකථන සංවාද තහවුරු කර ගන්නා ලෙසයි.
එමගින් “දිසානායකගේ අසත්ය සාක්ෂි තහවුරු කර ගත හැකි බව මාගේ සේවාදායක විශ්වාස කරන බවද” ඔහු සදහන් කරයි.
එසේම නීතිඥවරයා කොමිෂමට අවධාරණය කර සිටින්නේ “මාගේ සේවාදායකට එරෙහිව කොමිෂම හමුවේ සිදු කරනු ලබන ප්රකාශ සම්බන්ධයෙන් පුඵල්ප්රචාරයක් මාධ්ය මගින් ලබා දුන්නද මාගේ සේවාදායකට වාසි වන ආකාරයේ ප්රකාශයන් සම්බන්ධයෙන් ලැබෙනුයේ ඉතා සුඵ මාධ්ය ආවරණයක් හෝ ඇතැම් විට කිසිදු ආවරණයක් නොලැබෙන බවයි”.
නිතිඥවරයා අවධාරණය කර සිටින්නේ ඔහුගේ සේවාදායක අඛණ්ඩව වසර 20 ක් පාර්ලිමේන්තුවට තේරී පත්වූ මන්ත්රීවරයකු බවයි. ඔහුගේ සේවාදායක විසින් කොමිෂමට ඉදිරිපත් කරන ලද දිවුරුම් පෙත්සම මගින්, කොමිෂම විසින් ඉදිරිපත් කරන ලද සියලු කරුණු සදහා, ඇතැම් කරුණු නීතිමය නොවන ආකාරයට ඉදිරිපත් වුවද, උත්තර සපයා ඇති ඇති අතර, එම දිවුරුම් පෙත්සම සදහා කිසිදු මාධ්යයකින්ආවරණයක්ලැබී නොමැති බවයි.
පක්ෂපාතී ලෙස මාධ්ය මගින් දිගින් දිගටම සිදු කරනු ලබන වාර්තා කිරීම් මගින් මාගේ සේවාදායක සම්බන්ධයෙන් මහජනතාව අතර වැරදි මතයක් ගොඩනැගෙන බවද ඔහු ප්රකාශ කරයි.
දුරකථන සංවාද ආදි අසත්ය කරුණු සම්බන්ධයෙන් මාධ්ය මගින් සිදු කළ පුඵල් ප්රචාර මගින් තමාගේ සේවාදායකට මානසික පීඩාවක් හා හානියක් සිදු වූ බවද නීතිඥවරයා කොමිෂමට කියා සිටී.
