2023 අධ්යයන පොදු සහතික පත්ර සාමාන්ය පෙළ විභාගයේ ප්රතිඵල අනුව පළමු දසදෙනා අතර සිටින්ගේ එක් සිසුවෙකු පමණි. (Sri Lanka Latest News)
අනෙක් නවදෙනාම සිසුවියන් වීම විශේෂත්වයකි.
මෙලෙස 10 දෙනා අතර සිටින එකම සිසුවා වන්නට වරම් ලැබුවේ මාතර රාහුල විද්යාලයේ ඉගෙනුම ලබන සකුණ සදීශාන් සමරවික්රම සිසුවාය.
සකුණ පාසලේ ශිෂ්ය නායකයෙකු ලෙසත්, කැඩෙට් කණ්ඩායමේ හා බාලදක්ෂ කණ්ඩායමේ නිත්ය සාමාජිකයෙකු ලෙසත් කටයුතු කරන අතර විද්යාලයේ වෙස් නැටුම් කණ්ඩායමේ ද නිත්ය සාමාජිකයෙකුව සිටි.
මෙතරම් ක්රියාශීලි ශිෂ්යෙයකු වුවත් සාමාන්ය පෙළ විභාගය ආරම්භ වීමට දින කිහිපයක් තිබියදී සකුණ මුහුණ දුන් විශාලම අභියෝගය වූයේ ඩෙංගු රෝගය වැලඳී මාතර මහ රෝහලේ නේවාසිකව ප්රතිකාර ලැබීමට සිදුවීමය.
කෙසේ වෙතත් අධිෂ්ඨානශීලීව කටයුතු කළ සකුණ වෛද්යවරුන්ගේ උපදෙස් මත විභාගයට පෙර දිනයේ නිවසට පැමිණ විභාගයට මුහුණදීමට කටයුතු කර තිබුණි.
එවැනි අභියෝග මධ්යයේ පළමු 10 දෙනා අතරට ඒමට සකුණට හැකි වූයේ ඔහුගේ උනන්දුව සහ දැඩි කැපවීම ම නොවේද?.
සකුණ මේ වනවිට වෛද්යවරයෙකු වීමේ සිහිනය සැබෑකර ගැනීමට අවශ්ය මූලික අඩිතාලම දමමින් සිටි.
ඒ වෛද්යවරයෙකු වීමේ සිය අරමුණ කරා යාමට මේ වන විටත් ජීවවිද්යා අංශයෙන් උසස්පෙළ හදාරමින් සිටීමයි.
සකුණගේ දැඩි කැපවීම සහ අධිෂ්ඨානයම ඔහුගේ වෛද්යවරයෙකුවීමේ සිහිනය සැබෑකරවීමට හේතුවනවාට කිසිදු සැකයක් නොමැත.
2023 අධ්යයන පොදු සහතික පත්ර සාමාන්ය පෙළ විභාගයේ ප්රතිඵල ඊයේ (28) මධ්යම රාත්රීයේදී නිකුත් කෙරුණු අතර දිවයිනෙන්ම ප්රථම ස්ථානය හිමිකරගනු ලැබුවේ ගාල්ල සංඝමිත්තා බාලිකා විද්යාලයේ හිරුණි මල්ෂා කුමාරතුංග සිසුවියයි.
දෙවන ස්ථානය සිසුවියන් දෙදෙනකු හිමිකරගෙන තිබුණි.
ඉන් එක් සිසුවියක් වන්නේ කොළඹ 7 මියුසියස් විද්යාලයේ ඉගෙනුම ලබන කුලුනි මෙත්සලාය.
අනෙක් සිසුවිය කුරුණෑගල මලියදේව බාලිකා විද්යාලයේ විමන්සා ජයනදී රත්නවීර සිසුවියයි.
විභාග දෙපාර්තමේන්තුව පැවසුවේ මෙවර සාමාන්ය පෙළ විභාගයේදී සිසුසිසුවියන් 13,309 දෙනකු A සාමාර්ථ්ය 9 ම ලබාගෙන ඇති බවය.
