දේශීය ණය ප්රතිව්යුහගත තිරීම සම්බන්ධයෙන් අද පැවැති ඡන්ද විමසුමට ජවිපෙ නායක අනුර කුමාර දිසානායක මහතා සහභාගී නොවීම සම්බන්ධයෙන් වෘත්තීය සමිති නියෝජිතයන් රැසක් පක්ෂ ප්රධානීන්ගෙන් ප්රශ්න කොට ඇති බව වාර්තා වේ. Sri Lanka Latest News
අද පාර්ලිමේන්තුවේ කථික ලයිස්තුවේ අනුර කුමාර දිසානායක මහතාගේ නම සදහන්ව තිබී ඇති අතර ඒ හේතුවෙන් පක්ෂයේ වෘත්තීය සමිති නියෝජිතයන් සිට ඇත්තේ දේශීය ණය ප්රතිව්යුහගත කිරීම සම්බන්ධයෙන් අනුර කුමාර දිසානායක මහතාගේ ස්ථාවරය දැනගැනීමටය.
නමුත් අනුර කුමාර දිසානායක මහතා අද පාර්ලිමේන්තුවට නොපැමිණි අතර තවමත් ඒ මහතා රැදී සිටින්නේ ඔස්ට්රේලියාවේ සංචාරයක නිරත වෙමිනි.
කෙසේවෙතත් දේශීය ණය ප්රතිව්යුහගත කිරීම සම්බන්ධයෙන් පසුගිය දින කිහිපය පුරා කිසිදු අවස්ථාවක ජවිපෙ අනුර කුමාර දිසානායක මහතා හෝ ජවිපෙ අනෙක් පාර්ලිමේන්තු මන්ත්රීවරුන් වන විජිත හේරත් මහතා සහ හරිනි අමරසූරිය මහත්මිය අදහස් දැක්වීමක් කළේ නැත.
විජිත හේරත් මහතා හෝ ඒ පිළිබද යම් අදහසක් ඉදිරිපත් කිරීමට පියවර ගත්තේ ඊයේ දින පමණි.
හරිනි අමරසූරිය මහත්මියද පසුගියදා විදේශගතව සිටි අතර ඇය ලංකාවට පැමිණීමෙන් පසු කතා කර තිබුණේද අධ්යාපන ප්රතිසංස්කරණ සම්බන්ධයෙන් වීම විශේෂ සිදුවීමකි.
එවැනි පසුබිමක් තිබියදී අනුර කුමාර දිසානායක මහතා අද දින පාර්ලිමේන්තුවට නොපැමිණීම සම්බන්ධයෙන් පක්ෂයේ වෘත්තීය සමිති නියෝජිතයන් විමතියට සහ කලකිරීමට පත්ව සිටින බවද දැනගන්නට ඇත.
