චීන කොමියුනිස්ට් පක්ෂයේ (IDCPC) ජාත්යන්තර කටයුතු දෙපාර්තමේන්තුවේ උප ඇමති Sun Haiyan මහත්මිය අග්රාමාත්ය ආචාර්ය හරිනි අමරසූරිය මෙනවිය හමු වී තිබෙනවා.Sri Lanka Latest News
ඒ කොළඹ අරලියගහ මන්දිරයේ දී යි.
මෙම රැස්වීමට මහජන චීන සමූහාණ්ඩුවේ (IDCPC) ජාත්යන්තර කටයුතු දෙපාර්තමේන්තුවේ ඉහළ පෙළේ නිලධාරීන් පිරිසක් සහ ශ්රී ලංකාවේ චීන තානාපති Qi Zhenhong හා ශ්රී ලංකාවේ චීන තානාපති කාර්යාලයේ නිලධාරීන් පිරිසක් ද එක්ව සිටි බවයි අග්රාමාත්ය කාර්යාලය නිවේදනය කළේ.
ශ්රී ලංකාව නියෝජනය කරමින් කාන්තා හා ළමා කටයුතු අමාත්ය සරෝජා පෝල්රාජ්, පාර්ලිමේන්තු කාරක සභාවේ නියෝජ්ය සභාපති හේමාලි වීරසේකර, පාර්ලිමේන්තු මන්ත්රී සමන්මලී ගුණසිංහ, අග්රාමාත්ය ලේකම් ප්රදීප් සපුතන්ත්රි, විදේශ කටයුතු අමාත්යාංශයේ නැගෙනහිර ආසියාවේ අධ්යක්ෂ ජනරාල් රුවන්ති දෙල්පිටිය යන මහත්ම මහත්මීන් ද මෙම හමුවට සහභාගී වී තිබෙනවා.
අප මෙම හයියෑන් සම්බන්ධයෙන් පසුගිය කාලයේදී රාජ්ය රහස් තීරයේ වාර්තා කළේ මෙසේය.
රහස් චීන ගමන
පසුගිය වසර දෙක තුළ අනුර විදෙස් සංචාර රැසක නිරත වුවත් කවුරුත් නොදත් ඉතා රහසිගත චීන සංචාරයක නිරත වීමට හෙතෙම පසුගිය වසරේ දෙසැම්බර් මාසයේ පියවර ගෙන තිබිණි. අනෙකුත් සංචාරවල ඡායාරූප මාධ්යවල පළවුවත් අනුරගේ මෙම චීන සංචාරයේ තොරතුරු කිසිවක් මාධ්යවල පළවූයේ නැත. මෙම ගමන සඳහා අවශ්ය පහසුකම සලසා තිබුණේ චීන මධ්යම රජයේ එක්තරා ප්රබල කාන්තාවකි. ඇය චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය හා එම පක්ෂයේ මධ්යම කාරකසභික සුන් හයියෑන්ය. එම සාකච්ඡාවේදී අනුර චීන බලධාරීන්ගෙන් විමසා සිටියේ සිය පක්ෂය ලංකාවේ බලය අත්පත් කරගතහොත් අර්බුදයකින් තොරව පාලනය ගෙනයෑම සඳහා චීනයෙන් ලබාදිය හැකි උපකාර මොනවාදැයි කියාය. මේ සාකච්ඡාවෙන් පසුව ශ්රී ලංකාවේ සංචාරයක නිරත වූ හයියෑන් ඒ අවස්ථාවේදී පැලවත්තේ පිහිටි ජවිපෙ කාර්යාලයට පැමිණ අනුර සමග විශේෂ සාකච්ඡාවකද නිරත වූවාය. එමෙන්ම ඇය ඒ සංචාරයේදී එවක ජනාධිපති රනිල් හා විපක්ෂ නායක සජිත්ද හමුවීමට පියවර ගත්තාය.
කෙසේ වෙතත් අනුර සමග පැවැති සාකච්ඡාවේදී අනුර චීනයේදී කළ ඉල්ලීමට ප්රතිචාර දක්වමින් විශේෂ යෝජනා කිහිපයක් සහිත ලිපිගොනුවක් අනුර අතට පත්කිරීමට හයියෑන් කටයුතු කළාය. එහි තිබුණේ චීනයෙන් ජවිපෙ පාලනයකට ලබාදිය හැකි සහාය ඇතුළත් යෝජනාවලියකි. එහි ඉදිරියෙන්ම තිබුණේ සංචාරක කර්මාන්තයේ ප්රවර්ධනය උදෙසා ලොව වෙනත් කිසිදු රටකට කළ නොහැකි උපකාරයක් චීනයෙන් ලංකාවට කළ හැකි යැයි කියාය. එහිදී ඇය කියා තිබුණේ වසර 2ක් ඇතුළත චීනයෙන් කෝටියක සංචාරකයන් ලංකාවට එවීමට හැකි යැයි කියාය. මෙය එකවර කළ හැකි වුවත් ලංකාවේ පවතින යටිතල පහසුකම් ඊට ප්රමාණවත් නොවන හෙයින් ක්රමානුකූලව චීන සංචාරකයන් කෝටිය දක්වා වර්ධනය කළ හැකි බව ඇය එහිදී සඳහන් කර සිටියාය. අනුර ජනාධිපතිවරණයට ඉදිරිපත් වූයේ මෙම තුරුම්පුවද හිතේ තබාගෙනය.
ඒ අනුව ජනාධිපතිවයා ලෙස අනුර දිවුරුම් දුන් වහාම චීන බලධාරීන් සමග මේ සම්බන්ධයෙන් සාකච්ඡා කිරීමට අනුර කටයුතු කොට තිබිණි. එහිදී චීනය දැනුම් දී ඇත්තේ ලංකාවට ක්ෂණිකව දක්වන සහායක් ලෙස මෙම දෙසැම්බර් මාසයේ ආරම්භ වන සංචාරක සමයේදී ලක්ෂ 30ක චීන සංචාරකයන් පිරිසක් ලංකාවට එවීමට කටයුතු කරන බවකි. එමෙන්ම ලබන සංචාරක සමය ආරම්භ වන විට එය ලක්ෂ 60 දක්වා ඉහළ නැංවීමටද චීනය එකඟතාව පළකොට ඇති බව දැනගන්නට ඇත. ඒ අනුව චීනය ලබාදී ඇති මෙම තුරුම්පුව කිසිසේත්ම අවතක්සේරු කළ නොහැකි ඉතා ප්රබල එකක් බව බොහෝ දෙනාගේ විශ්වාසයය.
