වොෂින්ටන් ගෝලීය උපදේශකයින් සමඟ සහයෝගයෙන් එක්සත් ජනපද ජාත්යන්තර අවබෝධතා කවුන්සිලය විසින් සංවිධානය කරන ලද ව්යාපාරික වටමේස සාකච්ඡාව, එක්සත් ජනපදයේ ශ්රී ලංකා තානාපති මහින්ද සමරසිංහ මහතාගේ සහභාගීත්වයෙන් 2025 මාර්තු 11 වන දින පැවැත්විණ.Sri Lanka Latest News
මෙම වටමේස සාකච්ඡාවට ඇමරිකාවේ ප්රධාන පෞද්ගලික ආයතනවල නියෝජිතයින් විසිපහකට අධික සංඛ්යාවක් සහභාගී වූ අතර, මින් පෙර ශ්රී ලංකාවේ සේවය කළ සහ දැන් ප්රධාන එක්සත් ජනපද සමාගම්වල අධ්යක්ෂ මණ්ඩලවල සේවය කරන හිටපු එක්සත් ජනපද තානාපතිවරුන් කිහිප දෙනෙකු ද ඊට ඇතුළත් විය. ශ්රී ලංකාවේ සහ ඇමරිකා එක්සත් ජනපදයේ මෑතකදී සිදු වූ ප්රධාන දේශපාලන වෙනස්කම් පිළිබඳව සහභාගිවන්නන් දැනුවත්ව සිටියහ. ඇත්ත වශයෙන්ම, ශ්රී ලංකාවේ ආයෝජනය කිරීමට ඔවුන්ගේ උනන්දුව නැවතත් ඇති වී ඇති බව පෙනෙන්නට තිබුණේ ශ්රී ලංකාවේ දේශපාලන වෙනස්කම් සමඟ ශ්රී ලංකාවේ රජයේ දූෂණ විරෝධී ක්රියාමාර්ග කෙරෙහි අවධානය යොමු වීම නිසාය.
සාකච්ඡාව ආරම්භයේදී, තානාපති සමරසිංහ මහතා පෙන්වා දුන්නේ, වසර ගණනාවක් තිස්සේ ආර්ථික අවකළමනාකරණය, ඥාති සංග්රහය සහ නාස්තිය හා දූෂණය පිළිබඳව ඇතිවුණ සමාජ මතයේ ප්රතිඵලයක් ලෙස 2022 දී ශ්රී ලංකාව මුහුණ දුන් දරුණු මූල්ය අර්බුදය, අවසාන EFF වැඩසටහනට මඟ පෑදූ අතර එම IMF විස්තීර්ණ අරමුදල් පහසුකම් වැඩසටහන ශ්රී ලංකාවට සම්බන්ධ කිරීමේ මුල් පියවර වොෂින්ටන් හි ශ්රී ලංකා තානාපති කාර්යාලය හරහා සිදුවූ බවත් සඳහන් කළේය. එවකට ජනාධිපතිවරයා සමඟ කතා කිරීම සඳහා ඉහළ මට්ටමේ IMF කණ්ඩායමක් යැවීමට කළමනාකාර අධ්යක්ෂවරයාට යෝජනා කරමින්, IMF සමඟ මූලික සම්බන්ධතාවය ආරම්භ කරමින් තානාපති කාර්යාලය ගත් පියවර පිළිබඳව ඔහු කතා කළ අතර, එම ක්රියාවලිය අතරතුර ඇමරිකා එක්සත් ජනපදයෙන් රටට ලැබුණු “දැවැන්ත සහයෝගය”, විශේෂයෙන් ඔහු අගය කළේය.
ශ්රී ලංකාව සෘණ වර්ධනයේ සිට එහි වර්තමාන ධනාත්මක වර්ධනය, 2025 දී අපේක්ෂිත 5% වර්ධනය සහ මාස 4 කට ආසන්න ආනයන සඳහා අරමුදල් සැපයීමේ වත්මන් ධාරිතාව දක්වා ශ්රී ලංකාවේ කැපී පෙනෙන ප්රකෘතිය පෙන්නුම් කළේය. මෙම ආශ්චර්යමත් ප්රකෘතියෙන් පසු රට තුළ දැඩි ලෙස අලුත් වූ ආයෝජක උනන්දුව කෙරෙහි ඔහු අවධානය යොමු කළේය. එපමණක් නොව, රජයේ වෙනසක් සහ දේශපාලන නායකත්වයේ වෙනස්කම් තිබියදීත්, රටේ වර්ධනයේ එන්ජිම ලෙස පෞද්ගලික අංශය කෙරෙහි නොසැලෙන විශ්වාසයකින් යුතුව ආර්ථික ප්රතිපත්ති අඛණ්ඩව පවත්වාගෙන යාමට කැපවී සිටින රටක් හැටියට ශ්රී ලංකාව උදාහරණයක් ලෙස IMF ආයතනය පවා ජාත්යන්තරයේ භාවිතා කිරීමට පටන්ගෙන ඇත.
ශ්රී ලංකාව විදේශ ආයෝජකයින් ආකර්ෂණය කර ගැනීම සඳහා තානාපතිවරයා බලගතු තර්කයක් ඉදිරිපත් කළ අතර, පද්ධති වෙනසක් සහ දූෂණ විරෝධී ප්රතිසංස්කරණ සඳහා ජනතාවගේ ශක්තිමත් ජනවරමක් තුළින් අත්පත් කරගත් වත්මන් දේශපාලන ස්ථාවරත්වය කෙරෙහි අවධානය යොමු කළේය. විදේශ ආයෝජන ආකර්ෂණය කර ගැනීම සඳහා ශ්රී ලංකාවේ පවතින වාසි සහගත පැතිකඩ, විශේෂයෙන් දකුණු ආසියාවේ ඉහළම අගය වන 92% සාක්ෂරතා අනුපාතය, විදේශීය ආයෝජකයින් ආකර්ෂණය කර ගැනීමට කිසිදා අසමත් නොවන කුසලතා සහිත ශ්රම බලකායක් සහ ඉන්දියානු සාගරයේ කාර්යබහුලම මුහුදු මංතීරුවල පිහිටා ඇති රටක් හැටියට හා විදේශ සෘජු ආයෝජන සඳහා ලබා දී ඇති ව්යවස්ථාමය සහතික පිළිබඳව ද ඔහු නැවත සැලකිල්ලට යොමු කළේය.
එපමණක් නොව, 1977 දී ශ්රී ලංකාව නිදහස් ව්යවසාය ආකෘතිය නිර්භීතව වැලඳ ගැනීම පිළිබඳව ද ඔහු විස්තර කළේය. එය දකුණු ආසියාවේ පළමු අවස්ථාව වන අතර, එම කාලයේ කලාපයේ අනෙකුත් රටවල් සංවෘත ආර්ථිකයන් ප්රවර්ධනය කළේය. එවකට ශ්රී ලංකාවේ හඳුන්වා දුන් නිදහස් වෙළඳ කලාප, වසර ගණනාවක් පුරා විදේශ සෘජු ආයෝජන සමඟ සමෘද්ධිමත් වී පුළුල් විය. ආකර්ශනීය දිරිගැන්වීම් සමඟ විදේශීය ආයෝජකයින් ආකර්ෂණය කරන නිදහස් වෙළඳ කලාප 15 ක් සඳහා හිමිකම් කීමට දැන් රටට හැකියාව ලැබී ඇත. පෞද්ගලික අංශය අත්යවශ්යයෙන්ම වර්ධනයේ ප්රධාන එන්ජිම විය යුතු බව තේරුම් ගැනීමට මෙම කාලය ඉතා ප්රමාණවත් බව තානාපතිවරයා පැවසුවේය. වසර ගණනාවක් පුරා රජයන්හි බොහෝ වෙනස්කම් සිදු වුවද, එම කැපවීම නොවෙනස්ව පවතී.
එක්සත් ජනපද සමාගම්වලට දැනට පවතින විවිධ විදේශ ආයෝජන අවස්ථා සහ ඉන්දීය සාගර කලාපයේ එක්සත් ජනපදයේ වාණිජ කටයුතු සදහා නාවික නිදහස ලබා ගැනීම සඳහා ස්ථාපිත කළ හැකි සහයෝගීතාවයන් පිළිබඳව තානාපතිවරයා කතා කළේය. වරාය නගර සීමාව තුල කෙරෙන ආයෝජන සඳහා වසර 25 ක බදු නිවාඩුවක් ලැබෙන අතර ත්රිකුණාමලයේ තෙල් ටැංකි පහසුකම සහ ලොව හොඳම ගැඹුරු ජල ස්වාභාවික වරායන්ගෙන් එකක් වන ත්රිකුණාමල වරායට එහි සම්බන්ධතාව සහ එම සම්පත පිළිබඳව තානාපතිවරයා විශේෂ සඳහනක් කළේය.
ඇමරිකා එක්සත් ජනපදය සහ ශ්රී ලංකාව අතර වත්මන් වැඩිදියුණු කළ ද්විපාර්ශ්වික සබඳතා පිළිබඳව අදහස් දක්වමින් තානාපතිවරයා පැවසුවේ, නව අපනයන නිෂ්පාදන සඳහා ශ්රී ලංකාවේ ආයෝජන අවස්ථා කෙරෙහි අවධානය යොමු කරන බවත්, ඒ සමඟම, ශ්රී ලාංකික සමාගම් සඳහා එක්සත් ජනපදයේ ආයෝජන අවස්ථා සොයන බවත්ය.
රාජ්ය සහ පෞද්ගලික අංශ හවුල්කාරිත්වයක් හරහා ආයෝජන අවස්ථා ඇතිවීමේ බලාපොරොත්තුව පිළිබඳව ව්යාපාරික වටමේස සාකච්ජාවට සහභාගී වන සංවිධාන අතර ආකර්ෂණයක් පෙනෙන්නට තිබුණි.
සියල්ලටත් වඩා, එක්සත් ජනපද සමාගම් ශ්රී ලංකාවේ ආයෝජනය කිරීමට ආකර්ෂණය කර ගැනීම සඳහා ජයග්රාහකයෙකු ලෙස කැපී පෙනුනේ, ආර්ථිකය ඩිජිටල්කරණය කිරීමට සහ සියලු විදේශීය ආයෝජකයින්ට සමාන තරඟකාරී පිටියක් ලබා දීමට, සෑම අවස්ථාවකදීම විනිවිදභාවය සහ දූෂණයෙන් තොර ආයෝජක ගනුදෙනු සහතික කිරීමට ශ්රී ලංකා නව රජයේ අභිප්රායයි.
වැඩිදුර තොරතුරු සඳහා කරුණාකර වොෂින්ටන් ඩී.සී. හි ශ්රී ලංකා තානාපති කාර්යාලයේ ආර්ථික හා වාණිජ අංශය [email protected] සමගින් සම්බන්ධ වන්න.
