ඇල්කඩුව වැවිලි සමාගමට අයත් රත්වත්තේ වතුයායේ රුපියල් 400ක් වටිනා ගම්මිරිස් කිලෝ 02ක් සොරකම් කළ වතුයායේ සේවකයින් දෙදෙනෙකුට පවරා ඇති නඩුවෙන් වැවිලි සමාගම පරාජය වී ඇති අතර නඩු කටයුත්ත අවසන් වනවිට සමාගමට රුපියල් ලක්ෂ 274ක මුදලක් වැයවී ඇති බව පොදු ව්යාපාර පිළිබඳ කාරකසභා රැස්විමේ දී අනාවරණය විය.Sri Lanka Latest News
2017 වර්ෂයේ දි රත්වත්තේ වතුයායෙන් ගම්මිරිස් කිලෝ 02ක් සොරකම් කිරිම සම්බන්ධයෙන් වතුයායේ ක්ෂේත්ර නිලධාරියෙකුට හා මුරකුරුවෙකුට ඇල්කඩුව වැවිලි සමාගම විසින් මාතලේ අධිකරණයේ නඩුඅංක 39/32/2017 යටතේ නඩු පවරා තිබුණි.
මෙම නඩුවෙන් ඇල්කඩුව වැවිලි සමාගම පරාජය වී තිබු අතර එම නිසා එක් සේවකයෙකුට රුපියල් 5,34000ක හා අනික් සේවකයාට රුපියල් 8.58000ක මුදලක් වන්දි මුදලක් ගෙවීමට සමාගමට සිදුවුනේය. ඔවුන්ගේ නිතිඥ ගාස්තු වශයෙන් රුපියල්1,350,000ක මුදලක් ගෙවා ඇති බව ද පොදු ව්යාපාර කමිටු රැස්විමේ දි අනාවරණය විය.
සොරකම් කරණු ලැබු රුපියල් 400ක් වටිනා ගම්මිරිස් කිලෝ 02 වෙනුවෙන් පවරනු ලැබු නඩු කටයුතු වසර 6ක් තිස්සේ පවත්වාගෙන ගොස් අවසන් වනවිට ඇල්කඩුව වැවිලි සමාගමට රුපියල් ලක්ෂ 274 ක මුදලක් වැයවි ඇති බව මෙම කමිටුවේ දි අනාවරණය විය.
මීට අමතරව ඇල්කඩුව සමාගමේ සාමාන්යාධිකාරීවරයා ලෙස කටයුතු කළ අයකුට චෝදනා රැසක් එල්ල වී තිබූ බවත්, ඒ මහතා විනය පරීක්ෂණවලින් පවා වැරදිකරුවකු වූ බවත් පෙන්වා දුන් කෝප් කමිටු මන්ත්රීවරු ඒ සම්බන්ධයෙන්ද කොරකුරු ඉදිරිපත් කළහ.
එහීදී කෝප් කමිටු සභාපතිවරයා නිර්දේශ කළේ සති දෙකක් ඇතුළත මේ සම්බන්ධයෙන් වාර්තාවක් ලබා දෙන ලෙසය.
මේ අතර ඇල්කඩු වතුයායේ තවත් වංචා දූෂණ රැසක්ම ඉදිරියේදී පාර්ලිමේන්තුවේ හෙළිදරව් කිරීමට මන්ත්රීවරුන් රැසක් සූදානමින් සිටින බවද දැනගන්නට ඇත.
