මැලේසියාවේ “1MDB” රාජ්ය ආයෝජන අරමුදල ආශ්රිතව සිදුවූ බිලියන ගණනක මූල්ය වංචාව සම්බන්ධයෙන් වැරදිකරු වූ හිටපු අගමැති නජීබ් රසාක්ට වසර 15ක සිර දඬුවමක් නියම කිරීමට එරට මහාධිකරණය පියවර ගෙන තිබෙනවා.Sri Lanka Latest News
බලය අනිසි ලෙස භාවිතා කිරීමේ චෝදනා හතරක් සහ මුදල් විශුද්ධිකරණය සම්බන්ධ චෝදනා 21ක් යටතේ නජීබ් රසාක් මෙලෙස වැරදිකරු වී ඇති බවයි විදෙස් මාධ්ය වාර්තා කරන්නේ.
වසර 2009 සිට 2014 දක්වා කාලය තුළ අදාළ අරමුදලෙන් ඇමෙරිකානු ඩොලර් මිලියන 700කට අධික මුදලක් සිය පෞද්ගලික බැංකු ගිණුම් වෙත බැර කරගැනීම ඔහුට එල්ල වූ ප්රධාන චෝදනාවයි.
මෙම වසර 15ක සිර දඬුවමට අමතරව මැලේසියානු රින්ගිට් බිලියන 11.4ක (ඇමෙරිකානු ඩොලර් බිලියන 2.8ක) දැවැන්ත දඩයක් ද අධිකරණය විසින් නියම කර තිබෙනවා.
72 හැවිරිදි නජීබ් රසාක්, 1MDB වංචාවේ තවත් අනුකොටසක් වූ ‘SRC Inteational’ නඩුවට අදාළව දැනටමත් සිර දඬුවම් විඳිමින් සිටින අතර, නව තීන්දුවට අනුව, දැනට විඳින දඬුවම් කාලය අවසන් වීමෙන් පසු මෙම වසර 15ක සිර දඬුවම ආරම්භ වනු ඇති.
