මිනුවන්ගොඩ ප්රදේශයේ ආරාමයකින් කුඩා මෙහෙණින් වහන්සේලා තිදෙනෙකු අතුරුදන් කිරීමේ සිද්ධිය සම්බන්ධයෙන් 32 හැවිරිදි කාන්තාවක් නුවරඑළිය පොලිසිය විසින් අත්අඩංගුවට ගෙන තිබේ. (Sri Lanka Latest News)
පසුගිය බ්රහස්පතින්දා සිට මිනුවන්ගොඩ බොරගොඩවත්ත ප්රදේශයේ ආරාමයකින් අවුරුදු 12, 15 සහ 18 වයස්වල පසුවන මෙහෙණින් වහන්සේලා තුන්දෙනෙකු අතුරුදන්ව ඇති බවට එම ආරාමයේ සිටි මෙහෙණින් වහන්සේගෙන් මිනුවන්ගොඩ පොලිසියට ලැබුණු පැමිණිල්ලකට අනුව විමර්ශනයක් ආරම්භ කර ඇත.
තරුණ මෙහෙණින් වහන්සේ වැඩසිටි ආරාමයේ ප්රධාන මෙහෙණියගෙන් සිදුවූ බව කියන අයුතු ලෙස සැලකීම හේතුවෙන් ඔවුන් එම ආරාමයේම වැඩ සිටි කාන්තාව සමඟින් ආරාමයෙන් පිටව ගොස් ඇති බව විමර්ශනවලදී අනාවරණ විය.
ඔවුන් පැමිණ ඇත්තේ නුවරඑළියේ පිහිටි සැකකාර කාන්තාවගේ ඥාති නිවසකටය.
පොලිසිය පැවසුවේ, ඥාතීන් විසින් එම මෙහෙණියන් නුවරඑළිය පොලිසියට භාරදී ඇති අතර, හාලිඇල ප්රදේශයේ පදිංචි කාන්තාව අත්අඩංගුවට ගෙන ඇති බවය.
අතුරුදන් වූ මෙහෙණින් වහන්සේ නුවරඑළිය පොලිස් ස්ථානයට පැමිණි අතර, එහිදී අනාවරණ වී ඇත්තේ මෙම මෙහෙණිවරු තිදෙනා අවුරුදු 12, 15 සහ 18 යන වයස්වල පසුවන බවත්, අනෙක් කාන්තාව 32 හැවිරිදි සහ හාලිඇල ප්රදේශයේ පදිංචිකාරියක් බවත්ය.
lankasara
