අද දිනයේදී මාධ්ය බොහොමයක් වෙරිටේ රිසර්ච් නම් ආයතනයක් විසින් කළ සමීක්ෂණයක් උපුටා දක්වමින් ජුනි මාසය වනවිට රටේ 21%ක් ආණ්ඩුවේ වැඩපිළිවෙළ තෘප්තිමත් බව සදහන් කරමින් පුවත් වාර්තා කොට තිබිණ.Sri Lanka Latest News
ඒ අනුව කළ සොයාබැලීමකදී දැකගන්නට ලැබුණේ අදාළ ආයතනය විසින් සිදු කර ඇති සමීක්ෂණයක ප්රතිපල අනුව ‘ආණ්ඩුව ගැන ජනතා අනුමැතිය ඉහළට’ යනුවෙන් සදහන් කරමින් නිවේදනයක් නිකුත් කොට ඇති බවකි.
කෙසේවෙතත් ආණ්ඩුවේ වැඩපිළිවෙළ පිළිබද ජනතාව තෘප්තිමත් බවින් සිටින බව එහි සදහන් වුවද තවමත් එම සමීක්ෂණයටම අනුව රටේ 79%ක් ආණ්ඩුවේ වැඩපිළිවෙළ පිළිබදව අතෘප්තියෙන් සිටින බව පැහැදිලිය. නමුත් ඒ බව එහි කොතැනකවත් සදහන් කොට නැත.
එමෙන්ම ජනතාවට ආර්ථිකය පිළිබද ඇති අවිශ්වාසය -43.8ක් බව එහි සදහන්ව ඇතත් බොහෝ මාධ්ය ඒ සම්බන්ධයෙන් වාර්තා කිරීමක් කොට නැත.
ඒ අනුව බොහෝ දෙනා චෝදනා කර සිටින්නේ ස්වාධීන ආයතනයක් ලෙස පෙන්වමින් වෙරිටේ රිසර්ච් ආයතනය ආණ්ඩුවට වුවමනා ආකාරයේ මත පළකරන ආයතනයක් ලෙස කටයුතු කරන බවට සැකයක් මතුවන බවකි.
එය ඔවුන් සිය නිවේදනයට යොදා ඇති ‘ආණ්ඩුව ගැන ජනතා අනුමැතිය ඉහළට! රටේ වැඩකටයුතු සිදුවෙමින් තිබෙන ආකාරය ගැන ජනතාව වැඩියෙන් තෘප්තිමත්’ යන සිරස්තලයෙන්ම පැහැදිලි බව ඔවුන්ගේ චෝදනාව වී තිබේ.
