ජනතාව ගෝඨාභය රාජපක්ෂට ලබාදුන් ජනපති ධූර කාලයේ ඉතිරි කොටස ගෙවා දැමීමට පැමිණි රනිල් වික්රමසිංහට 13 වැනි ව්යවස්ථා සංශෝධනය මුළුමනින්ම බලාත්මක කිරීම සඳහා සදාචාරාත්මක අයිතියක් නැතැයි අස්ගිරි පාර්ශවයේ ජ්යෙෂ්ඨ කාරක සංඝ සභික, රංගරි දඹුල් රජ මහා විහාරාධිපති ආචාර්ය පූජ්ය ගොඩගම මංගල නාහිමියෝ පවසති.Sri Lanka Latest News
මේ රටේ ජනතාව රනිල් වික්රමසිංහට මේ ආකාරයෙන් කටයුතු කරන්නට වරමක් ලබා දී නොමැති බවත් ඒ සම්බන්ධව ඒ ඔහු අවධානය යොමු කළ යුතුව තිබෙන බවත් උන්වහන්සේ කීහ.
වැඩිදුරටත් මේ සම්බන්ධව අදහස් දැක්වූ මංගල නාහිමියෝ මෙසේද පැවසූහ.
“දහතුන් වැනි ව්යවස්ථා සංශෝධනය හදුන්වා දී ගෙවුණු තිස් වසරක කාලය තුළ දේශපාලනඥයින් තමන් ගේ බලය තහවුරු කර ගැනීම සඳහාවන ආයුධයක් ලෙස මේක පාවිච්චි කළා. දහතුන් වැනි ආණ්ඩුක්රම ව්යවස්ථාව යටතේ පළාත් සභා ක්රමය හඳුන්වා දුන් අවස්ථාවේ එයට එකඟතාව පළ කළේ රනිල් වික්රමසිංහ මහතා ගේ පක්ෂය පමණයි. එදා ඊට විරුද්ධව කතා කළ අනෙක් පක්ෂ අද ඊට වඩා බලතල ලබාදිය යුතු බවට ප්රකාශ කිරීම පුදුමසහගතයි. “
“උතුරු නැගෙනහිර පළාත්වල වසර 30 ක් යුද්ධය තිබ්බා. රට බේරා ගන්න රණවිරුවන් ජීවිත දුන්නා. ඒ නිසා තවත් අය ආබාධිත වුණා. මේ වනවිට පළාත් සභා අක්රීයයි. එහෙම තත්ත්වයක දී උතුරු පළාතේ තරුණයින් කියනවා දහතුන අවශ්යය නැහැ කියලා. ඇත්තෙන්ම මේක මේ වෙලාවේ ගේන්න උත්සහ කරන්නේ ජනතා අභිවෘද්ධිය සඳහා නොව දේශපාලනඥයින් වාසි සඳහායි.”
“රටේ විශාල ආර්ථික අර්බුදයක් තිබෙනවා. ජනතාව බුද්ධිමත්ව මේ ප්රශ්න දෙස බැලිය යුතුයි. පළාත් සභා තුළ 13 වැනි සංශෝධනය ක්රියාත්මක වුවහොත් ඒක රටේ ඒකීයත්වයට ප්රශ්නයක්. රටට ගැලපෙන ආණ්ඩුක්රම ව්යවස්ථාවක් අවශ්යය යි. පළාත් සභා ක්රියාත්මක වන පසුබිමක නව ආණ්ඩුක්රම ව්යවස්ථාවක් ගෙන එන්නේ නම් ඒ සඳහා සෑම පළාත් සභාවකින්ම අනුමැතිය ගන්න වෙනවා. දේශපාලන බලය තහවුරු කර ගැනීම පිණිස මේ වගේ දේවල් සමාජයට ඉදිරිපත් නොකර පීඩාවට පත්ව සිටින ජනතාවට විසඳුම් දීමට පාලකයින් උනන්දු විය යුතුයි.”
lankasara
