ත්රිකුණාමලය කුච්චවේලි මුහුදු ප්රදේශයේදී නීතිවිරෝධී ක්රම භාවිත කරමින් මසුන් අල්ලමින් සිටි ධීවරයන් සමග යාත්රා 11ක් නාවික හමුදා භාරයට ගැනීමට ඊයේ (03) මෙහෙයුමක් දියත් කර තිබුණි.Sri Lanka Latest News
එහිදී නාවික හමුදා යාත්රාව වට කරමින් සංවිධානාත්මක කණ්ඩායමක් පැමිණ අදාළ එක් යාත්රාවක් පැහැරගෙන යෑමට තැත් කර තිබේ.
මෙහිදී අදාළ කණ්ඩායම සහ නාවික හමුදාව අතර පොරබැදීමක් සිදුවී ඇති අතර එහිදී නාවික හමුදාව නීත්යානුකූලව කටයුතු කිරීමට උත්සාහ දරා තිබේ.
පසුව නාවික හමුදා නිලධාරීන්ගේ ගිනිඅවි උදුරා ගැනීමට තැත් කිරීමත් සමග නාවික හමුදාව අහසට වෙඩිතබා තත්ත්වය පාලනය කිරීමට කටයුතු කර ඇත.
එහිදී අදාළ කණ්ඩායම ප්රකෝපකාරී ලෙස හැසිරීමත් සමග එක් නාවික හමුදා සෙබෙලෙකුගේ ගිනිඅවිය ක්රියාත්මක වී පුද්ගලයෙකුට වෙඩිවැදී ඇත.
සිද්ධියෙන් තුවාල ලැබූ පුද්ගලයා ත්රිකුණාමලය මහ රෝහලට ඇතුලත් කර තිබෙන අතර ඔහු එහි නේවාසිකව ප්රතිකාර ලබයි.
මෙලෙස තුවාල ලබා ඇත්තේ 23 හැවිරිදි පුද්ගලයෙකි.
සිද්ධිය සම්බන්ධයෙන් නාවික හමුදාව වැඩිදුර විමර්ශන සිදුකරයි.
මේ අතර අදාළ සිද්ධිය මුල් කරගනිමින් කුච්චවේලි ප්රදේශයේදී ධීවරයින් උද්ඝෝෂණයක් සිදු කිරීමටද පියවර ගෙන ඇති බව වාර්තා වන අතර ධීවර ඇමැති නාවික හමුදාවෙන් වාර්තාවක් කැදවීමට පියවර ගෙන ඇත.
