මීගොඩ 20 කණුව ප්රදේශයේ ගෘහ භාණ්ඩ වෙළෙදසැළකට කඩාවැදුනු පුද්ගලයින් දෙදෙනෙකු එහි සේප්පුවක තිබූ රුපියල් ලක්ෂ 60කට ආසන්න මුදලක් කොල්ලකා පලා ගොස් තිබේ.Sri Lanka Latest News
මීගොඩ පොලිසිය පැවසුවේ ඊයේ (25) පස්වරුවේ මෙම කොල්ලය සිදුව ඇති බවයි.
කොල්ලකරුවන් මුහුණු සම්පූර්ණයෙන්ම ආවරණය වන සේ යතුරු පැදි හිස් වැසුම් පැළද ගිනි අවි දෙකක් අතැතිව පැමිණ ඇති බව පොලිසිය පවසයි.
කොල්ලකරැවන් දෙදෙනා ටී 56 වර්ගයේ ගිනි අවියක් සහ පිස්තෝලයක් රැගෙන ආයතනයට ඇතුළු වී එහි පිළිගැනීමේ නිළධාරිණියන් දෙදෙනාගේ බෙල්ලෙන් අල්ලා තල්ලු කරගෙන ගොස් ගිනි අවි හිසට තබා බියකර සේප්පුවෙහි රහස් අංකය විමසා එය විවෘත කර එහි තිබූ මුදල් රැගෙන පලා ගොස් ඇත.
එම ආයතනය තුළ සවිකර ඇති ආරක්ෂිත කැමරා සහ අවට කැමරා දර්ශන ඔස්සේ සැකකරුවන් අත්අඩංගුවට ගැනීමට පොලිසිය පරීක්ෂණ ආරම්භ කර තිබේ.
