ඊයේ දහවල් අහුංගල්ලේදී හිසට වෙඩි තබා ඝාතනය කොට ඇත්තේ කොස්ගොඩ සුජී නම් පාතාල කල්ලි සාමාජිකයාගේ ඥාතී සහෝදරයෙකු බව පැවසේ.Sri Lanka Latest News
ලොකු පැටී නම් අපරාධකරුගේ පාර්ශ්වය විසින් බෙලිඅත්තේ පංච පුද්ගල ඝාතනයට පළිගැනීමක් ලෙස මෙය සිදුකර ඇති බවට සැක කරන බව ආරක්ෂක අංශ පවසයි.
අහුංගල්ලේදී අද දහවල් 12.30ට පමණ ස්කූටර් වර්ගයේ යතුරුපැදියකින් පැමිණි පුද්ගලයන් දෙදෙනෙකු මෙම වෙඩි තැබීම සිදුකර තිබේ.
රිවෝල්වර් වර්ගයේ ගිනි අවියකින් වෙඩි තැබීම සිදුකර තිබූ අතර වෙඩික්කරුවන්ගේ ඉලක්කය වී තිබුණේ ඉදිකෙරෙමින් පවතින වෙළෙඳසැලක් අසල සිටි පුද්ගලයෙකි.
මේ වෙඩික්කරුවන් ප්රහාරය සඳහා පැමිණෙන අයුරු දැක්වෙන CCTV දර්ශන පෙළකි.
වෙඩික්කරු අදාළ වෙළඳසැල අසලට පැමිණ යතුරුපැදියෙන් බැස අනතුරුව නැවත ඒ වෙත ගොඩ වේ.
පසුව වෙළෙඳසැල තුළ සිටි අයෙක් පැමිණ යම් කිසි දෙයක් පවසා එම ස්ථානයෙන් දිවයෑමක් සමග වෙඩික්කරු වෙළෙඳසැල තුළට දිව ගොස් එක් වෙඩි ප්රහාරයක් එල්ල කර තිබේ.
අනතුරුව හිස් පතොරම් කොපුවද රැගෙන වෙඩික්කරු යතුරුපැදියේ නැග පළා යයි.
වෙඩි තැබීම සිදුකර පළා යන අයුරුද CCTV කැමරාවක සටහන්ව තිබිණි මෙලෙසිනි.
වෙඩි ප්රහාරය එම පුද්ගලයාගේ හිසටම එල්ල වී තිබූ අතර ඔහු එම ස්ථානයේදීම ජීවිතක්ෂයට පත්ව තිබිණි.
එලෙස ඝාතනයට ලක්ව තිබුණේ කුසුම් කුමාර මෙන්ඩිස් නොහොත් මංජු නම් 45 හැවිරිදි කොස්ගොඩ ප්රදේශයේ පදිංචි ත්රිරෝද රථ රියදුරෙකි.
බෙලිඅත්තේ පංච පුද්ගල ඝාතනයේදී ජීවිතක්ෂයට පත් වූ රෝයල් බීච් සමන් ඝාතනයට පළිගැනීමක් ලෙස පොඩි පැටී නම් පාතාල කල්ලි සාමාජිකයා විසින් මෙම ඝාතනය මෙහෙයවා ඇති බවට සැක කරන බවද ආරක්ෂක අංශ පවසයි.
කෙසේවෙතත් පොලීසිය පවසන්නේ ඝාතනයට ලක් වූ පුද්ගලයාට කිසිදු අපරාධමය චෝදනාවක් ඇති බවට මෙතෙක් වාර්තා වී නොමැති බවය.
සිද්ධිය සම්න්ධයෙන් පොලීසිය හා පොලිස් විශේෂ කාර්යය බළකාය ඇතුළු පාර්ශ්ව රැසක් විමර්ශන සිදුකරයි.
