සම්බුද්ධ ශාසනය සුරක්ෂිත කර රට සෞභාග්යය සම්පන්න දැහැමි ජන ප්රජාවක් නිර්මාණය කළ යුතු බවත් අද රටේ ඇත්තේ දහම් පාසල් තරගවලටත් අනුගහය ලබා දිය නොහැකි රාජ්ය පාලනයක් බවත් එය කණගාටුවට කරුණක් බවත් එම නිසා දහම් අධ්යාපනය සුරැකිය යුතු බවත් විපක්ෂ නායක සජිත් ප්රේමදාස මහතා පැවසීය. (Sri Lanka Latest News)
පන්සල් පද්ධතියේ මහා සංඝරත්නය ඉටු කරන ආගමික සාසනික සේවාව ශක්තිමත් කළ යුතු බවත් ආගම් අතර ජාතින් අතර එකමුතුභාවය සංහිඳියාව විශාල ශක්තිය බවට පත් කර බංකොලොත්භාවයෙන් මුදවා ගැනීමට දැවැන්ත බලවේගයක් නිර්මාණය කළ යුතු බවත් බුදුදහම සුරකිමින් අනිකුත් ආගම්වලට ද නිසි තැන ලබා දෙමින් කටයුතු කළ යුතු බවත් විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද කොළඹ දී පැවති සමගි ජන බලවේගයේ ජාතික සඟ සමුළුව අමතමිනි.
ගම් නියම්ගම් නගර කේන්ද්ර කර ගෙන අප රටේ ඇති විහාරස්ථානවල වැඩ සිටින මහා සංඝරත්නය අප රටට සාමය සමෘද්ධිය සෞභාග්යය හා සංවර්ධන උදෙසා ශිෂ්ටසම්පන් ධාර්මිෂ්ඨ සමාජයක් ගොඩ නැගීමට ඓතිහාසික කාර්යභාරයක් ඉටු කරන බවත් රාජ්ය පාලනය ගෞරවනීය මහා සංඝරත්නය ප්රමුඛ අනෙකුත් ආගමික නායකයන්ගේ අවවාද අනුශාසනා මත සිදුවිය යුතු බවත් විපක්ෂ නායකවරයා පැවසීය.
එසේම අද අප රට බහුවිධ අභියෝගවලට මුහුණ දෙන බවත් ග්රාමීය හා නාගරික සංවර්ධන කඩාවැටී ජනජීවිත කඩා වැටි ජීවනෝපාය බිදවැටි ඇති බවත් ඉතිහාසය පුරා රටට අභියෝග එල්ල වන විට අවවාද අනුශාසනා ලබාදුන්නේ මහා සංඝරත්නය බවත් ඒ නිසා මේ අවස්ථාවේ මහා සංඝරත්නයේ මැදිහත් වීම අත්යවශ්ය බවත් විපක්ෂ නායකවරයා පැවසීය.
තවද අප සමාජයේ මානුෂීය ගුණාංග ක්ෂය වෙන බවත් ආගමික නායකත්වයන් තුළ ශිෂ්ටසම්පන්න සමාජයකට යොමු වී කඩාවැටුණු ගරා වැටුණු දේශයේ යහපත් ගති දහම් සුවද කේන්ද්ර කර ගෙන සිදුවිය යුතු බවත් දහම් අධ්යාපනය කේන්ද්රීයව සුචරිතවත් ජන සමාජයකට මුල පිරිය යුතු බවත් දහම් පාසල් දරුවන්ට තරුණයන් ට සුහුරු අධ්යාපනය ලබා දෙන ස්ථන බවට ආගමික ස්ථාන පත් කළ යුතු බවත් විපක්ෂ නායකවරයා පැවසීය.
එමෙන්ම පන්සල් තුළ රටට යහපත් සිදුවන දේවල් අඩපණ වී ආගමික සිද්ධස්ථාන වැසී යන නිසා ඒවා රැකගත යුතු බවත් කැපකරු මාපිය ක්රම, සූර්ය බලශක්ති ලබා දීම, සුහුරු අධ්යාපනය ලබා දීම සිදු කළ යුතු බවත් විපක්ෂ නායකවරයා වැඩිදුරටත් පැවසීය.
