මෙරට තානාපති සේවය සඳහා පත්කර ඇති සියලු දේශපාලකයන් යළි කැඳවීමට තීරණය කළ බව ජනාධිපති අනුර කුමාර දිසානායක මහතා පවසයි.Sri Lanka Latest News
නුවරඑළියේ ඊයේ (03) පැවති ජන රැලියකදී ජනාධිපතිවරයා වැඩිදුරටත් සඳහන් කළේ, පරිවර්තනීය වෙනසක් සිදුකිරීම සඳහා සියලු ජාතීන්ගේ ද සහාය හිමි පාර්ලිමේන්තු බහුතරයක් අවශ්ය බවයි.
එහිදී වැඩිදුරටත් අදහස් දැක්වූ ජනාධිපති අනුර කුමාර දිසානායක මහතා,
“මේ නුවරඑළියේ ජනපති මන්දිරය භූමියේ කාබනික එළවළු වගාකරනවා. හැම සිකුරාදාම කිලෝ 60ක් ජනාධිපති ලේකම් කාර්යාලයට එනවා. අපි එනකොටත් එළවළු ආවා. මොනවාද මේ එළවළු කියලා ඇහුවා. පිටකොටුවෙන් ලොරිවල එන එළවළු කන්න බෑ එයාලට. එයාලට වෙනම වවලා සිකුරාදාට නුවරඑළියෙන් එළවළු යවලා රට පාලනය කරන්න ඕනේ. මම අපේ ආරක්ෂක නිලධාරීන්ට ඒ එළවළු කිලෝ 60 දෙන්න කිව්වා.”
“ඒ වගේම සැලසුම් කරලා තියෙනවා අයවැයෙන් රාජ්ය සේවක වැටුප් වැඩිකරන්න. සාධාරණ වැටුප් වැඩිකිරීමක් වතු සේවකයින්ටත්.”
“තානාපති ක්ෂේත්රයට යවලා තියෙන දේශපාලකයෝ ඔක්කොම කැඳවන්න තීරණය කළා. මේ අවස්ථාව අත්හරින්නේ රට ගොඩනැගීමෙන් පමණයි.”
