ඔබ ආදරේ කරන… ඔබට අදරේ කරපු… ඔබ වටිනාකමක් දුන්න… ඔබට වටිනාකමක් දුන්න, ඔබට හැම මොහොතකම සිහිපත්වෙන…. මේ ලෝකෙන් ඔබව තනිකරදමා යන්නට වුණු කෙනෙක් සමග ඔබට කියාගැනීමට නොහැකි වූ දෙයක් වේවා, ඔබට කියන්න තිබෙන දෙයක් හෝ වේවා, නිදහසේ ඔබගේ හිතේ තිබෙන හැමදේම ඔහුට හෝ ඇයට කියන්නට අවස්ථාවක් හමුවුණොත්, ඔබ ඒ අවස්ථාව මගහරිනවද? මග නොහරින අයෙක් නම් මේ ලිපිය ඔබට.Sri Lanka Latest News
ජපානයේ පුංචි නගරයක් වන ඔතුචි නමින් ස්ථානයක, නගර මධ්යයට වෙන්න විශේෂිත වූ දුරකතන කුටියක් පිහිටා තිබේ. එය සත්යයෙන්ම විශේෂය. ‘කසේ නෝ ඩෙන්වා’ හෝ ‘සුළං දුරකතනය’ යන නමින් ප්රසිද්ධ මෙය, ජපන් ජනතාවගේ සිත් තුළ ගැඹුරු ස්ථානයක් හිමි කරගෙන ඇත.
2010 වසරේදී ඉටරු සසාකි නම් පුද්ගලයකු විසින් තම අහිමිවූ මිතුරකුට කතා කිරීමට වූ අධික ආශාවකින් පිරි සංකල්පයක් මත මේ දුරකතන කුටිය නිර්මාණය කළේය. ඔහුගේ එකම අභිප්රාය වූයේ මෙලොවින් සමුගත් කිසියම් හෝ අයකුට ඇසේ නම්, ඔවුන්ට කියන්න තිබුණු දේ අසබා (සුළං) හරහා යවන්න. ඒ නිසාම මෙය ‘සුළං දුරකතනය’ ලෙස හැඳින්වෙයි.
එමගින් සසාකිගේ මෙම නිර්මාණය ඔහුගේ හිතේ තිබුණු දුක නිවා දුන්නා පමණක් නොව, ජාතියක්ම ඔවුනොවුන්ගේ හිතේ තිබෙන දුක, සතුට, ආදරේ කෑගසා කියා, ඔවුන්ගේ සිත් සුවපත් කරගන්නා ස්ථානය බවට පරිවර්තනය විය.
වසරකට පසුව, එනම් 2011 මාර්තු මාසයේදී ජපානයේ විශාල සුනාමි හා භූකම්පන විපතක් සිදුවිය. ඔසුචි නගරයද ඒ විපතට ගොදුරු විය. නගරයේ එම විපතින් දිවි ගලවාගත් අයට ඔවුන්ගේ හිතවතුන්, පවුලේ සාමාජිකයන් අහිමිවූහ. මෙම විපතින් පීඩා විඳිමින්, අඳෝනාවල් දෙමින් සිටි දිවි ගලවාගත් පිරිසේ දුක වේදනාව විසි කරදැමීමට සසාකිගේ සුළං දුරකතනය ඔවුන්ට නව මගක් විය.
මෙම දුරකතන කුටියේ විශේෂත්වය, මෙහි කිසිම සම්බධතාවක් නැතිවීමත්, මෙම දුරකතන කුටිය තුළ පැරණි රොටරි දුරකතනයක් පමණක් තිබීමත්ය. මෙය බොහෝ මිනිසුන්ගේ හදවතට මනෝවිද්යාත්මක රැඳවුමකින් සම්බන්ධ විය. බොහෝ දෙනා එම කුටියට ඇතුළුවී මියගිය මවුපියන්ට, දරුවාට හෝ ආදරණීයයන්ට කතා කරති. ඔවුන්ගේ හඬ සුළං හරහා මුහුදට ගමන් කරයි.
අද වනවිට ‘කසේ නෝ ඩෙන්වා’ තනි ස්ථානයක් පමණක් නොවේ. එය ලෝකයටම ආදර්ශයක් වී ඇත. සසාකිගේ මෙම සුළං දුරකතන කුටියේ සංකල්ප දකුණු කොරියාව, ඇමෙරිකාව, ඉතාලිය, ඇලන්ඩ්, සහ පසුගිය වසරේ සිට ඉන්දියාව වැනි රටවලද නැවත නිර්මාණය වී ඇත. එම සියල්ලේ අරමුණ වන්නේ අහිමිවූ අය සමග ‘නැවතත් කතා කිරීමට’ තවත් අවස්ථාවක් ලබාදීමය.
මෙම දුරකතනයෙන් ආවරණ වූ සංවේදී කතාවක් මත පදනම්ව, 2020 දී “Voices in the Wind” නම් ජපන් චිත්රපටය නිර්මාණය කළේය. එය සුනාමි විපතෙන් පසු අහිමිවූ පවුලකට අයත් ළමයකුගේ ගමනක් ලෙස විස්තර වන අතර, ඇය අවසානයේ මෙම සුළං දුරකතනය වෙත යාමෙන් තමන්ගේ ආතතියෙන් නිදහස් වීම පෙන්වයි.
අදත්, වසර දහයක් ගතවූවත්, ඔතුචි නගරය වෙත දිනපතාම මිනිස්සු පැමිණෙති. ඔවුන්ගෙන් සමහරු සොයුරියට, සමහරු තම අහිමි වූ දරුවාට, සමහරු පවුලේ අයෙකුට ‘ඔබට ආදරෙයි’ ‘ඔබව මතක් වෙනවා’ කියා සුළං හරහා කියා යති. එම වේදානාත්මක හා සුන්දර මතකයන්ගෙන් පිරි වචන සුළඟේ පාවෙමින් ගොස් සුළං මගින් කවුරුන් හෝ ඔවුනට ළඟා වන බවක් ඔවුහු විශ්වාස කරති.
කෙසේ වෙතත්, ‘කසේ නෝ ඩෙන්වා’ යනු තාක්ෂණික නිර්මාණයක් නොවෙයි. එය මනුෂ්යයාගේ හදවත සුවපත් කරන විස්මය දනවන නිර්මාණයකි. ඔබටත් එවැනි අවස්ථාවක් ලැබුණොත්, ඔබටත් කියන්න කෙනෙක් ඇති, කියන්න බොහොදේ ඇති, ඔබ කියන්නේ කාටද? ඔබ කියන්නේ කුමක්ද…?
ඊ.ඩී. චමත්
