ත්රස්තවාදී සංවිධානයක් වන දෙමළ ඊළාම් විමුක්ති කොටි (එල්ටීටීඊ) සංවිධානය යළි නගා සිටුවීම, ලංකාවට මත්ද්රව්ය සහ අවිආයුධ මහාපරිමාණයෙන් ගෙන්වීම යනාදිය සම්බන්ධයෙන් ප්රබල චෝදනා එල්ල වී ඇති ශ්රී ලාංකිකයන් 9 දෙනකු ඉන්දියාවේ ජාතික විමර්ශන ඒජන්සිය (NIA) විසින් අත්අඩංගුවට ගෙන ඇත.
අත්අඩංගුවට ගෙන ඇත්තේ පාකිස්ථානු ජාතික මහාපරිමාණ මත්ද්රව්ය ජාවාරම්කරුවකු වන හාජි සලීම් සමග එක්ව එල්.ටී.ටී.ඊය නැවත පණ ගැන්වීමේ කුමන්ත්රණයේ ප්රධාන පුද්ගලයා වූ කොළඹ පදිංචි සී. ගුණසේකරන් හෙවත් ගුණා නමැති අයයි.
පුෂ්පරාජා නොහොත් පූකුඩිකන්නා; මොහොමඩ් අස්මින්; අලහප්පෙරුමග සුනිල් ගාමිණී ෆොන්සේකා, ස්ටැන්ලි කෙනඩි ප්රනාන්දු, ලඩියා චන්ද්රසේන, ධනුෂ්ක රොෂාන්, වෙල්ලාල සුරංග සහ තිලිපන් යන අයද මෙහිදී අත්අඩංගුවට පත්ව ඇත.
දිල්ලියේ ත්රස්ත මර්දන නිලධාරියෙකු ප්රකාශ කළේ හාජි සලීම් යනු පකිස්ථානයේ සිට ශ්රී ලංකාවට මත්ද්රව්ය සහ ආයුධ ජාවාරමේ විශාලතම ජාලයක් පවත්වාගෙන යන අයකු බවයි.
වාර්තාව හින්දුස්තාන් ටයිම්ස් පුවත්පතෙනි.
