සියලූම මහනායක ස්වාමීන් වහන්සේලාගේ හා ආගමික නායකයින්ගේ පූර්ණ සහභාගීත්වයෙන් සැකසෙන අලුත් සංශෝධන හා කොන්දේසිවලට යටත්ව බෞද්ධ හා පාලි විශ්වවිද්යාලය නැවත විවෘත කිරීමට බලාපොරොත්තු වන බව අමාත්ය බන්දුල ගුණවර්ධන මහතා පවසයි.
අද (20) පැවති අමාත්ය මණ්ඩල තීරණ දැනුම්දීමේ මාධ්ය හමුවට එක්වෙමින් අමාත්යවරයා මේ බව කියා සිටියේය.
“පාලි හා බෞද්ධ විශ්වවිද්යාලය තේරවාදී බෞද්ධ දර්ශනයත් මේ රටේ ශාසනික උන්නතියත් සඳහා සම්පූර්ණයෙන්ම ආගමික නායකයින්ගේ උපදේශකත්වය යටතේ උත්තරීතර පරමාර්ථ සහිතව පිහිටවපු ආයතනයක් බව ජනාධිපතිතුමා කැබිනට් මණ්ඩලයට දැනුම්දුන්නා. නමුත් පිහිට වූ උතුම් පරමාර්ථවලින් බැහැරව අනෙකුත් විශ්වවිද්යාල මට්ටමත් වඩා දරුණු අන්දමෙන් නවක වධය, ප්රචණ්ඩත්වය හා අනෙකුත් විනය විරෝධී කටයුතු රාශියක් සිදුවෙන බව ඔප්පු කරලා පෙන්නලා තියෙන තත්ත්වයක් තුළ කැබිනට් මණ්ඩලය තීන්දු කළා මේ විශ්වවිද්යාලය මහනායක හිමිවරු ඇතුළු බෞද්ධ ආගමික නායකයින්ගේ පූර්ණ සංශෝධන සහිතව මිස යළි විවෘත කරන්නේ නෑ කියන තීන්දුව කැබිනට් මණ්ලය ගත්තා. ඒ සඳහා අවශ්ය වාර්තා ලබාගෙන සියලුම මහනායක ස්වාමීන් වහන්සේලාත් මේ හා සම්බන්ධ වෙන බෞද්ධ ආගමික නායකයින්ගෙත් පුර්ණ ලෙස සහභාගීත්වයෙන් සැකසෙන අලුත් සංශෝධන හා කොන්දේසිවලට යටත්ව තමයි පාලි හා බෞද්ධ විශ්වවිද්යාල නැවත විවෘත කරන්නේ. වචනයේ පරිසමාප්ත අර්ථයෙන්ම පාලි හා බෞද්ධ විශ්වවිද්යාලයක්.”
