Legends of the wild ඡායාරූප ප්රදර්ශනයේ ප්රධාන අරමුණක් වෙන්නේ ලංකාවේ හිටපු සහ ඉන්න දළ ඇතුන් සම්බන්ධයෙන් සාමාන්ය ජනතාවට අවබෝධයක් ඇති කරන්න. ඒ කියන්නේ මේ සම්බන්ධයෙන් දැනුවත් කිරීමක් සහ සංවාදගත කරන්න. ආසියාවේ අලින්ගෙන් 10%කට විතරයි දළ එන්නේ. ඒ අතරිනුත් අපේ ලංකාවේ ඉන්න පිරිමි සත්තු ප්රමාණයෙන් 5%කට වඩා අඩු ප්රමාණයක තමයි දළ ඇත්තු ඉන්නේ. ඒ නිසා ලංකාවට දළ ඇතා කියන සත්වයා ඉතා සුවිශේෂයි. ඒ වගේම හරිම දුර්ලභ දෙයක්.Sri Lanka Latest News
අනික් එක තමයි, ලංකාවේ ඇතා කියන්නේ ලංකාවේ අවුරුදු 2500ක් පරණ අපේ ලිඛිත ඉතිහාසයත් සමග බද්ධ වුණු ඉතා විශේෂ සත්ව කොට්ඨාසයක්. අපේ හැම සංස්කෘතික මංගල්යයකටම සහ රටේ සිදුවුණු හැම විශේෂ අවස්ථාවකදීම ඇතා කියන සත්වයාගේ සහභාගිත්වයක් තිබුණු නිසා ඇතා ලංකාවේ සංස්කෘතිය සහ ලංකාවේ ජන ජීවිතයත් එක්ක බැඳුණු සංකේතයක්.
ගොඩක් දළ ඇත්තු ලංකාවේ දකින්න අමාරුයි. සාමාන්යයෙන් නැෂනල් පාර්ක් එකකටවත්, වනජීවී උද්යානයකට ගියයි කියලා ඒගොල්ලන්ව බලන්න බැහැ. ඉතින්, ලංකාවේ අලි ඇතුන් ඉන්න සෑම පළාතක්ම වගේ ආවරණය කරමින්, දැඩි උත්සාහයක් දරලා, අවුරුදු ගානක් මහන්සි වෙලා ගත්ත ඡායාරූප එකතුවක් තමයි තියෙන්නේ. මේ ඡායාරූපයේ ප්රදර්ශනයේ ඇතැම් ඡායාරූප තියෙනවා 1900, 1980 ගණන්වල, 90 ගණන්වල ගත්ත ඒවා. ඒ කියන්නේ, ෆිල්ම්ස්වලින් ගත්ත ෆොටෝස්. ඒවා ගොඩාක් වටිනවා. මොකද ඒ ෆොටෝග්රාෆ්ස්වල හිටපු ඇත්තු ලංකාවේ දැන් ඉන්න සමාජයේ ගොඩාක් කට්ටිය දැකලත් නැහැ. ඉතින් අපිට ඕනේ වෙලා තිබ්බේ ඒ කාලේ හිටපු පරණ සහ වර්තමානයේ ඉන්න සහ අනාගතයට එන්න පුළුවන් වුණු ඇතුන්ගේ එකතුවක් දාන්න.
මේ ප්රදර්ශනය සඳහා වනජීවී ඡායාරූප ශිල්පීන් 40කට වඩා ප්රමාණයකගේ එකමුතුවක් තියෙනවා. මෙතැනදි වඩාත් වැදගත් වෙන එකම තමයි, මේ වයිල්ඩ්ලයිෆ් ෆොටෝග්රැපර්ස් 40 දෙනා අතරත් පරම්පරා කිහිපයක ඡායාරූප තියෙනවා. අපේ ජ්යෙෂ්ඨම වනජීවී ඡායාරූප ශිල්පීන් නම් වශයෙන් කිව්වොත්, ලාල් ඇන්තනීස්. එතුමාගේ ඡායාරූප තුනක් අපි පළකරනවා. ඒ වගේම, තව අවුරුදු 15ක වගේ වයසේ පාසල් සිසුන්ගේ ඡායාරූප කිහිපයකුත් තියෙනවා.
ඒ වගේම මෙම ප්රදර්ශනයේදී ලංකාවේ ප්රවීණතම ඇතුන් ඡායාරූපයට නගන ඡායාරූප ශිල්පීන් වන රවීන්ද්රලාල් ඇන්තනී, වජිර විජේගුණවර්ධන, නාමල් කමල්ගොඩ, රවීන්ද්ර සිරිවර්ධන. ලලින් ගුණවර්ධන යන ජ්යෙෂ්ඨයන්ගේ දුර්ලභ ඡායාරූප රාශියක්ද ප්රදර්ශනය කෙරෙනවා. ඒ නිසා මෙහි විවිධත්වය ඉතාමත් වැඩියි. මොකද, අපි පරම්පරා ගානක ඡායාරූප ඉදිරිපත් කරන හින්දා.
අනිත් එක තමයි, ලංකාවේ ඇත්තු ගත්තාම, ගොඩක් වෙලාවට ජීවත් වෙන්නේ ජාතික වනෝද්යානවල, රක්ෂිතවල. ඒ අලි ඇතුන් මිනිසාගේ ක්රියාකාරකම් එක්ක ගැටෙමින් සහ මිනිසාගේ ක්රියාකාරකම්වල තියෙන ප්රතිඵල හින්දා ඒ සතුන්ගේ ජීවිතවලටත් බාධා එන අවස්ථා ඕනෑ තරම් තියෙනවා. ඉතින්, අපිට ඇත්තටම කියන්න ඕනේ දේ තමයි, ලංකාවේ ඇතා කියන්නේ කොච්චර අහිංසක සතෙක්ද, කොච්චර වටිනා සතෙක්ද කියන එක. අපි නිකන් ඒගොල්ලන්ව මොනයම් හෝ ක්රමයකින් මරාදැමුවොත්, අපේ ලංකාවට ඇතිවෙන පාඩුව කොයි තරම්ද? මොකද, අලියා කියන සතා සාමාන්යයෙන් අපි වනාන්තරයේ ගත්තොත් එහෙම, ඉංජිනේරුවෙක් වගේ වැඩකරන සතෙක්. අපි ඒ සතාව වනාන්තරයෙන් අයින් කරලා දැම්මොත් අපිට වෙන්නේ අපේ පාරිසරික සමතුලිතතාව සම්පූර්ණයෙන්ම කැඩෙනවා. ඉතින් ඒ සමතුලිතතාව රකින සතෙක් හැටියට තමයි අපි අලියා කියන සත්වයා අපි හඳුන්වන්නේ. ඒ වගේම, මේ අලි ඇතුන් හින්දා ලංකාවට ගෙනෙන විදේශ විනිමය ප්රමාණය ඉතා විශාලයි. ඒ වගේම ඒගොල්ලන්ව පෙන්නලා විදේශ විනිමය ඉපැයීමේ හැකියාව තව ගොඩාක් තියෙනවා.
ඉතින් අලියා සහ ඇතා එක පැත්තකින් සංස්කෘතික බැඳීමක් තියෙනවා, අනික් පැත්තෙන් ආර්ථික වශයෙන් ලොකු වටිනාකමක් තියෙනවා. තුන්වැනි එක, ලංකාවේ පාරිසරික සමතුලිතතාව රකින්න.
ඉතින් අපේ මේ ප්රදර්ශනයේ තියෙන ප්රධාන අරමුණ තමයි, මේ අලි සහ ඇතාගේ වටිනාකම සමාජගත කරන්න, ලංකාවේ සාමාන්ය ජනතාවට පෙන්නන්න. ඒක හින්දා තමයි අපි සියලු ශ්රී ලාංකිකයන්ට ආරාධනා කරන්නේ, මේ 21 වැනිදා ඉඳලා 26 වැනිදා වෙනකන් කොළඹ ජාතික කෞතුකාගාරයට එන්න, ඇවිල්ලා ඒකේ ලෝටස් ගැලරි එකේ පැවැත්වෙන මේ ඡායාරූප ප්රදර්ශනය නරඹන්න. අලි ඇතුන්ට ආදරය කරන ගොඩක් කට්ටියට මේක වටිනා දෙයක් වෙනවා. මොකද, මේ වනජීවී ඡායාරූප ශිල්පීන් රාශියක් එකතු වෙලා අපි කරන මේ කටයුත්ත පහසු එකක් නෙවෙයි. මෙවැනි දෙයක් සිදුකරන්නේ පළමු වතාවටයි. ලංකාවේ මේ වගේ වැඩක් මීට කලින් වෙලා නැහැ. ඉතින්, මේක ගොඩක් වෙනස් අත්දැකීමක් ගෙන දේවි. ඒ හින්දා අපි සියලු දෙනාටම ආරාධනා කරනවා මේක බලලා, අලි ඇතුන් සංරක්ෂණය සඳහා දායක වෙන්න කියලා.
අපි මේ ප්රදර්ශනය හරහා ඉලක්ක කරන ඊළඟ කාරණාව තමයි නීතිරීති අණ පනත් මගින් වන අලින්ට හිංසා කිරීම නතර කිරීම වෙනුවට ජනතාව දැනුවත් කිරීම හරහා, ඒ සතුන්ට ආදරය කරන ප්රජාවක් බිහිකිරීම.
දළ ඇත්තු පිළිබඳ දැනුම අතින් ගත්තොත්, ලංකාවේ දැනට ඉන්න ගොඩක් ප්රවීණම අයගේ ඡායාරූප මේ ප්රදර්ශනයට ඇතුළත් වෙනවා. ඒ නිසා වනජීවී ඡායාරූප ශිල්පය ගැන ඉගෙන ගන්න ඕනෙ අයට, එහෙම නැත්නම් දළ ඇත්තු ගැන පර්යේෂණයක් කරන්න, විස්තර දැනගන්න ඕනෙ අයටත් මේ ප්රදර්ශනය ගොඩක් ප්රයෝජනවත් වේවි.
Legends of the wild ඡායාරූප ප්රදර්ශනයේ සංවිධායක කමිටුවේ සාමාජිකයන් වන මිලින්ද වත්තේගෙදර හා චන්දික ලක්මාල් සහෘදයන් සමග කළ සාකච්ඡාක් ඇසුරෙනි.
සමන් හල්ලොලුව
