පසුගියදා හිරුගෙන් ඉතාමත්ම භයංකාර” අද්භූත ශබ්දයන් කිහිපයක් පැමිණීයේ යැයි ලොව පුරා මහත් ආන්දෝලනාත්මක පුවතක් වාර්තා වන්නට විය.
මෙය විටෙක ලෝක විනාශයක් වන්නට හැකි බවත්, එසේත් නැතිනම් යම් ආගමික ක්රියාවලියක පසුබිමක් පෙන්වන සිදුවීමක් වන්නට හැකි බවත්, විවිධ මතිමතාන්තර ඇති වන්නට විය. බොහෝ මිනිසුන් ත්රාසයට පත්කළ මෙම කතාන්දරය කුමක්ද?
ලොව ප්රධානතම සහ සුවිශාලතම ජාත්යන්තර අභ්යාවකාශ පර්යේෂණ ආයතනය වන ඇමෙරිකාවේ ‘නාසා’ ආයතනය විසින් පසුගියදා සිදුකරන ලද ‘හිරුගේ ශබ්ද’ යන පර්යේෂණය හරහා ඉහත මතිමතාන්තර එළිදැක්වෙන්නට විය.
එහෙත් එවැනි විනාශයක් ලොව කොතැනකවත් සිදුනොවී ඇති අතර, ‘හිරුගේ ශබ්ද’ නිපදවීම සාමාන්ය ස්වභාවික ක්රියාවලියක් යැයි ‘නාසා’ ආයතනය ප්රකාශ කළේය. මෙම පර්යේෂණයට අනුව පසුගියදා ‘නාසා’ විද්යාඥයන් විසින් හිරුගෙන් නිපදවන ශබ්ද කිහිපයක් ඉතාමත්ම පැහැදිලිව ග්රහණය කරගෙන, පටිගත කරගන්නා ලදී.
පසුගිය වසර 20ක් පුරාද ‘නාසා’ ආයතනය ‘හිරුගේ ශබ්ද’ ආශ්රිත පර්යේෂණ රැසක් සිදුකර තිබුණත්, මෙවර 2020 පර්යේෂණය සුවිශේෂී, සාර්ථක එකක් බවට පත්විය. හිරුගෙන් මෙලෙස ඇසෙන අද්භූත විවිධ ශබ්ද ඇතිවන්නේ එම ග්රහයා ආශ්රිතව සිදුවන විවිධ පිපිරීම්, තරංග සහ වළලුවල ක්රියාකාරිත්වය නිසා යැයි ‘නාසා’ ආයතනය ප්රකාශ කළේය. මෙලෙස පසුගියදා අතිශය නවීන තාක්ෂණය හරහා ග්රහණය කරගත් ශබ්ද සහ රූප වීඩියෝ මේ වන විට අන්තර්ජාලයෙන් දැකිය හැකිය.
එසේම මෙම ශබ්ද ඉතාමත්ම පැහැදිලිව ශ්රවණය කළ හැකිය. මෙම ‘හිරුගේ ශබ්ද’ ගැන පසුගියදා ඉන්දීය විද්වත් කාන්තාවක් වන ආචාර්ය කිරාන් බෙඩි ප්රකාශ කර සිටියේ, හිරුගෙන් ‘ඕම්, ඕම්’ යන ආගමික ශබ්ද තරංගය ඇසෙන බැව්ය. ‘ඕම්, ඕම්’ යනු හින්දු දහමේ තිබෙන ඉතා උසස් ආගමික වදනක් වන අතර, මන්ත්ර ශාස්ත්රය තුළද එය දක්නට හැකිය’ කෙසේ හෝ ආචාර්ය කිරාන් බෙඩිගේ එම ප්රකාශය ඇසූ සමහරු එය පිළිගත් අතර, බහුතරයක බුද්ධිමත් පිරිස් එය බැහැර කළෝය.
