ලිංගික අපයෝජන රැසක් සම්බන්ධයෙන් චෝදනා ලැබ සිටින සූරියවැව රම්මුදුවැව විහාරස්ථානයේ විහාධිපති චිවරධාරියා විහාරස්ථානයේ වැඩ සිටි 15 හැවිරිදි කුඩා සාමණේර හිමි නමකට බරපතළ ලංගික අපයෝජනය කිරීමේ සිද්ධියක් සම්බන්ධව 18 වැනිදා සවස සූරියවැව පොලීසිය මගින් අත්අඩංගුවට ගෙන තිබේ. (Sri Lanka Latest News)
මෙලෙස අත්අඩංගුවට ගෙන ඇත්තේ සූරියවැව රම්මුදුවැව ශ්රි බෝධිරාජාරාම විහාරස්ථානයේ විහාරාධිපති චිවරධාරියා ලෙස කටයුතු කරන කැටපල අමරකිත්ති නැමිති 40 හැවිරිදි පුද්ගලයෙකි.
සැකකාර චීවරධාරියා විහාරස්ථානයේ වැඩ සිටි 15 හැවිරිදි සාමණේර හිමිනමක් බරපතළ ලිංගික අපයෝජනයට ලක්කර තිබේ.
එම සිද්ධියෙන් පසු අදාල සාමණේර හිමිනම ප්රථිකාර සඳහා හදපානාගල දෙහිගස්හන්දිය ප්රාදේශීය රෝහලට ඇතුළත් කර ඇති අතර පසුව වැඩිදුර ප්රථිකාර සදහා උන්වහන්සේ වැල්ලවාය මුලික රෝහලට ඇතුලත් කර තිබේ.
අදාල සාමණේර හිමිනම විසින් සිද්ධිය සම්බන්ධයෙන් වැල්ලවාය පොලිසියට ලබා දුන් කටඋත්තරයකට අනුව වැල්ලවාය පොලිසිය සූරියවැව පොලිසියට සිද්ධිය පිළිබදව දැනුම් දී තිබේ. ඒ අනුව සූරියවැ පොලිසිය මගින් අදාල චීවරධාරියා විහාරස්ථානයේ සිටියදි අත්අඩංගුවට ගෙන තිබේ.
අත්අඩංගුවට පත් චීවරධාරියාට එරෙහිව ළමා අපයෝජන සිද්ධීන් සම්බන්ධ පැමිණිලි රැසක් පවතින බවත් මේ වන විටත් හම්බන්තොට මහාධිකරණය හමුවේ බාලවයස්කාර දැරියන් අපයෝජනය කිරීමට අදාල නඩු දෙකක් විභාග වෙමින් පවතින බවත් පොලිසිය සිදුකල මුලික විමර්ශන වලදි අනාවරණය වී තිබේ.
එමෙන්ම අදාල චිවරධාරියා තණමල්විල ප්රදේශයේ නිදන් හෑරිමකට ද මිට පෙර අත්අඩංගුවට පත්ව තිබේග ප්රදේශවාසින් පවසන්නේ මෙම පුද්ගලයා දුප්පත් පවුල්වල දරුවන්ට විවිධ තැගිභෝග ලබාදී මෙලෙස ලිංගික අතවර කිරිම් සිදුකරන බවත් ඔහුට එරෙහිව පැමිණිළි කිරීමට බොහෝ දෙනෙකු බිය වී සිටින බවත්ය.
lankasara
