ආණ්ඩු පක්ෂයේ පාර්ලිමේන්තු මන්ත්රී ආචාර්ය විජයදාස රාජපක්ෂ මහතා සහ අභයාරාමාධිපති මුරුත්තෙට්ටුවේ ආනන්ද හිමියන් අද (16) දිනයේදීත් විශේෂ හෙළිදරව් කිහිපයක් කිරීමට සූදානමින් සිටින බව වාර්තා වේ.
මෙහිදී දෙදෙනාම එකවර විශේෂ සම්මුඛ සාකච්ජාවක් ලබා දීමට සැලසුම් කර ඇති බව පැවසේ.
මෙහිදී අතිවිශේෂ කරුණු කිහිපයක් හෙළිදරව් කිරීමට විජයදාස රාජපක්ෂ මහතා සූදානමින් සිටින බවද දැනගන්නට තිබේ.
දැනටමත් මෙම සාකච්ජාව සදහා අවශ්ය සියලු කටයුතු සූදානම් කර ඇති බවද දැනගන්නට ඇත.
ඊයේ (15) දිනද විජයදාස රාජපක්ෂ මහතා හා මුරුත්තෙට්ටුවේ ආනන්ද හිමියන් විශේෂ මාධ්ය හමුවක් පැවැත්වූ අතර එහිදී වත්මන් ජනාධිපතිවරයා හා බැසිල් රාජපක්ෂ මහතාගේ ක්රියාකලාපය දැඩිව විවේචනයට ලක්කිරීමට පියවර ගත්හ.
ජනාධිපති ගෝඨාභය රාජපක්ෂ සහ බැසිල් රාජපක්ෂ මහත්වරුන්ගේ දරුවන් ඇමරිකානු පුරවැසියන් බවත් නිවාඩුවට මෙහි පැමිණ ටික කාලයකට බලය ගෙන ඉන්පසුව රටත් මංකොල්ල කා නැවතත් ඇමරිකාවට යන බවත් රටක් නැති වන්නේ මෙරට ජනතාවගේ දරුවන්ට බවත් මන්ත්රීවරයා මෙහිදී චෝදනා කරනු ලැබීය.
අද වන විට ගෝඨාභය රාජපක්ෂ මහතා මෙරට කිසිදු තීන්දුවක් නොගන්නා බවත් ඔහු පඹයෙක් ගේ චරිතය රඟපාන බවත් මන්ත්රීවරයා පැවසීය.
අද මේ රටේ තීන්දු සියල්ල ගන්නේ මිස්ටර් 20% නොහොත් බැසිල් රාජපක්ෂ මහතා විසින් බවද මන්ත්රීවරයා පැවසීය.
අද ජනාධිපති ගෝඨාභය රාජපක්ෂ මහතා බැසිල් රාජපක්ෂ මහතාගේ අතකොලුවක් පමණක් යැයිද ඔහු සඳහන් කළේය.
