අග්රාමාත්යවරයා හා වරාය වෘත්තීය සමිති අතර අද (03) පෙරවරුවේ තංගල්ල කාල්ටන් නිවසේ පැවැති සාකච්ඡාවේදී චීනයෙන් මෙරටට ගෙන්වූ ග්රැන්ට්රි දොඹකර තුන වරායේ ගොඩබෑමට පමණක් එකඟතාවයට එළැඹිණි.
වරාය වෘත්තීය සමිති ඉදිරිපත් කරන ප්රශ්න සම්බන්ධයෙන් අමාත්ය මණ්ඩලයේදි සාකච්ඡා කර විසදුම් ලබා දීමට පියවර ගන්නා බවද එහිදී අග්රාමාත්යවරයා සදහන් කළේය.
ඒ අනුව වෘත්තීය සමිති ක්රියාමාර්ගය අත්හිටුවීමට ද වෘත්තීය සමිති නියෝජිතයින් එකඟතාවය පළ කළේය.
අග්රාමාත්යවරයා සමග පැවැති සාකච්ඡාවෙන් පසුව අදහස් දැක්වූ අමාත්ය ගාමිණී ලොකුගේ මහතා
සියලුම වෘත්තිය සමිති වරායේ ඇති වෙලා තිබෙන සිද්ධිය සම්බන්ධයෙන් අග්රාමාත්යතුමා සමඟ අද පෙරවරුවේ විශේෂ සාකච්ඡාවක් කළා. සාකච්ඡා කරලා අපි එකඟතාවයකට ආවා දොඹකර සියල්ල වරායේ ගොඩ බාන්න. ඒ වගේම මේ ගැටළු සම්බන්ධයෙන් කැබිනට් එකේදි සාකච්ඡා කරලා ඒ පිළිබඳව විසඳුම් ලබාදෙන්නත් අගමැතිතුමා වෘත්තීය සමිතිවලට පොරොන්දු වුණා. සියලුම වෘත්තිය සමිති අගමැතිවරයා සමඟ එකඟ වුණා. වරායේ වෘත්තිය සමිති නියෝජිතයින් තිදෙනෙක් දොඹකර උඩට නැගලා ඉන්නවා. ඔවුන් ඒවායින් බිමට බැහැලා සාකච්ඡා කරලා, මේ සඳහා විසඳුමකට එන්න එකඟ වුණා. අගමැතිතුමා සමඟ සිදු කළ සාකච්ඡාව ඉතාමත් ඵලදායී සාකච්ඡාවක් වුණා. ඒ සම්බන්ධයෙන් අපි සතුටු වෙනවා.
වාණිජ කර්මාන්ත හා සේවා ප්රගතිශිලි සේවක සංගමේ ප්රධාන ලේකම් ශාමල් සුමනරත්න
මම හිතන්නේ වෘත්තිය සමිති ඉතිහාසයේ අරගලයකින් ජයග්රහණය ලබාගත් සංධිස්ථානයක් ලෙස අපිට මෙය දකින්න පුළුවන්. අපි විශේෂයෙන් ස්තූතිවන්ත වෙනවා රජයේ වෘත්තිය සමිතිය හැටියට අපගේ ආයතනය ආරක්ෂා කරගැනීමට හැකි වීම ගැන. මෙම සාකච්ඡාවේදි අපිට අග්රාමාත්යවරයා සමඟ කරුණු කාරණා ගණනාවක් සාකච්ඡා කරන්න හැකි වුණා. අගමැතිතුමා එක්ක කථා කළොත් මේ ගැටළුව විසඳන්න පුළුවන් කියන විශ්වාසය අපිට තිබ්බා. එම සාකච්ඡාව සඳහා අපිට පාර කපලා දුන්නේ සුමිත් විජේසිංහ මහතා. අපි සිදු කළ කැප කිරීම වෙනුවෙන් සහය දැක්වූ වෘත්තිය සමිති ක්ෂේත්රයේ සියලු දෙනා වෙනුවෙන් අපි ස්තූතිවන්ත වෙනවා. අපේ සටන අවසන්. ග්රැන්ට්රි දොඹකර තුන නැගෙනහිර පර්යන්තයේ ස්ථාපිත කරන ලෙස ගරු අග්රාමාත්යතුමා උපදෙස් දුන්නා. අපේ සටනේ ජයග්රහණය අපි ලබාගත්තා. අද මෙතැනට වරයා අධිකාරියේ සමස්ත වෘත්තිය සමිති සියල්ල ආවා. වෘත්තිය සටන් වලට නව පණක් ලබාදීම සම්බන්ධයෙන් අපි අගමැතිතුමාට, ගාමිණි ලොකුගේ ඇමතිතුමාට වගේම සමස්ථ වෘත්තිය සමිති නායකයින්ට අපි ස්තූතිවන්ත වෙනවා.
ශ්රී ලංකා නිදහස් පක්ෂ වරාය සේවක සංගමයේ සභාපති ප්රසන්න කලුතරගේ
නැගෙනහිර පර්යන්තය සම්බන්ධව පැවැති ගැටළුව අද දිනයේ යම් ප්රමාණයකින් නිරාකරණය කර ගැනීමට හැකිවුණා. ඒ වගේම වෘත්තීය සමිති වල බලාපොරොත්තුව තිබුණේ නැගෙනහිර පර්යන්තය ක්රියාත්මක කරවීම සඳහා වූ ක්රියාවලිය දක්වා යෑමටයි. දැන් වෙනකොට නැගෙනහි පර්යන්තයට ගැන්ට්රි දොඹකර තුනක් ගෙනල්ලා තියෙනවා. ඒ දොඹකර ගොඩ බෑම සඳහා අවසරයක් නැතුව තිබිලා ඒකට විශාල ගාස්තු ප්රමාණයක් ලබා දෙන්න වෙලා තිබෙනවා. සේවකයෝ තුන්දෙනෙක් දොඹකර උඩ නැගලා විරෝධතාවයක එක්ක ඉන්නවා. මේ සේවකයන් තුන්දෙනාගේ ජීවිත වලට අනතුරක් තිබුණා. මේ සම්බන්ධව අපි ඇමතිතුමා එක සාකච්ඡා කළා. ඇමතිතුමාගේ සාකච්ඡාවේදී විසඳුමක් ගන්න බැරි වුන නිසා අග්රාමාත්යවරයා සමග සාකච්ඡාවක් සිදුකළා. එහිදී අපට සාධනීය පිළිතුරක් ලබා ගැනීමට හැකිවුණා. එකේ එක් පියවරක් ජයග්රහණය කලා. ඒ පියවර තමයි ගැන්ට්රි දොඹකර පර්යන්ත ගත කිරීම සඳහා අපට අවසර හමුවුණා. ඒ අවසරය ලබා ගැනීමට අග්රාමාත්යවරයා කටයුතු කලා. එහි දෙවන පියවර විදිහට ගැන්ට්රි දොඹකර ක්රියාත්මක කරවීම සඳහා වූ ක්රියා මාර්ගය වෙත අවතීර්ණ වෙන්න වෙලා තියෙනවා. ඒ නිසා අපි පළවෙනි පියවර ජයග්රහණය කරලා තියෙනවා. දෙවැනි පියවර ඉදිරියේ දී ජයග්රහණය කිරීම සඳහා අපි සියලුම වෘත්තීය සමිති එකතුවෙලා ඒ ක්රියාමාර්ග පිළිබඳව සාකච්ඡා කරලා තීරණයකට එන්නත්, පර්යන්තය ක්රියාත්මක පර්යන්තයක් බවට පත් කරන්නත් කටයුතු කරන්න සූදානම්.
වරාය පොදු සේවක සංගමයේ සභාපති චන්ද්රසිරි මානගේ මහතා
වරායේ ශ්රී ලංකා නිදහස් පක්ෂ සේවක සංගමයේ සංගමයේ සභාපතිවරයා වශයෙන් අපි බොහොම සතුටු වෙනවා අග්රාමාත්යවරයා සමඟ සාකච්ඡා කරලා නැගෙනහිර පර්යන්තයේ ග්රැන්ට්රි දොඹකර සම්බන්ධයෙන් අවශ්ය උපදෙස් ලබාදීම පිළිබඳව. අපි දවස් 12ක් තිස්සේ වරාය තුළ විශාල විරෝධතාවයක් අරන් ගියේ මේ ග්රැන්ට්රි දොඹකර තුන නැගෙනහිර පර්යන්තයේ ස්ථාපිත නොකිරීම සම්බන්ධයෙන්. ඒ වෙනුවෙන් අපි නොයෙකුත් විරෝධතා කලා. අපේ සේවකයෝ තුන් දෙනෙක් උඩ නැගලා විරෝධතාවක් දැක්වූවා. අපි ඊයේ වැඩ වර්ජනයක් ක්රියාත්මක කළා. අමාත්ය ජොන්ස්ටන් ප්රනාන්දු මැතිතුමාගේ මැදිහත්වීම මත අමාත්ය ගාමිණී ලොකුගේ මැතිතුමා සහ ඛනිජ තෙල් නීතිගත සංස්ථාවේ සභාපති සුමිත් විජේසිංහ මැතිතුමා මැදිහත් වෙලා අපිට අග්රාමාත්යවරයා සම්බන්ධ කරල දුන්නා. බොහොම සුහද සාකච්ඡාවක් මේ අවස්ථාවේදී නිමාවට පත් වුණා.
මෙම අවස්ථාවට ලංකා ඛණීජ තෙල් නීතිගත සංස්ථාවේ සභාපති සුමිත් විජේසිංහ ඇතුළු වෘත්තීය සමිති නියෝජිතයින් එක්ව සිටියහ.
