රට පුරා පැතිර යන කොවිඩ් 19 තෙවැනි රැල්ලේ දැඩි අවදානම් බව හේතුවෙන් දින 14ක කාලයක් කිසිම ආකාරයක සංචරණයක් සිදුකළ නොහැකි ආකාරයෙන් ජනතාව නිවෙස් තුළ රඳවා තැබීමට අවශ්ය ක්රියාමාර්ග ගන්නා ලෙස රජයෙන් ඉල්ලා ඇතැයි කොවිඩ් 19 වැළැක්වීමේ රාජ්ය අමාත්ය, විශේෂඥ වෛද්ය සුදර්ශනී ප්රනාන්දු පුල්ලේ මහත්මිය සඳහන් කළාය.
අමාත්යවරිය වැඩිදුරටත් සඳහන් කළේ සියලු වෛද්ය සංගම් සහ මහාචාර්යවරුන් පිරිසක් විසින් සකස් කළ එම ඉල්ලීම ඇතුළත් වාර්තාව ජනාධිපති ගෝඨාභය රාජපක්ෂ මහතාට භාරදීමට පියවර ගත් බවයි.
මේ අතර අප කළ විමසීමකදී පිළිතුරු දුන් කොවිඩ් වැළැක්වීම සම්බන්ධ මාධ්ය සම්බන්ධීකාරක, අධ්යාපන පුහුණු පර්යේෂණ නියෝජ්ය සෞඛ්ය සේවා අධ්යක්ෂ විශේෂඥ වෛද්ය හේමන්ත හේරත් මහතා සඳහන් කළේ පසුගිය බ්රහස්පතින්දා (20) වන විට මෙරටින් වාර්තාවන දෛනික කොවිඩ් ආසාදිතයන් ගණන 3,600දක්වා ඉහළ ගොස් තිබූ බවය.
ඒ වන විට දෛනික මරණ ගණන 30ක් දක්වා ඉහළ ගොස් තිබූ බවද ඒ මහතා සඳහන් කළේය.
කෙසේ නමුත් මේ වන විට මෙරට කොවිඩ් ආසාදනය වූ පුද්ගලයන් අතරින් 122,367ක පිරිසක් සුවය ලබා ඇති බවද හේමන්ත හේරත් මහතා සඳහන් කළේය.
