ශ්රී ලංකාව බංකොලොත් බවට ප්රකාශයට පත් කළේ කාගේ අවසරයකින් දැයි වහාම හෙලිදරව් කළ යුතු බව එක්සත් ජාතික පක්ෂ සභාපතිවරයාව සිටිමින් වජිර අබේවර්ධන විසින් මීට පෙර ප්රශ්න කළ බව සමාජ මාධ්ය අනාවරණය කරනවා. රට බංකොලොත් යැයි සලකා ක්රියා කිරීමට කැබිනට් මණ්ඩලය අනුමැතිය ලබා දුන්නාද, මුදල් අමාත්යංශය සහ මුදල් ඇමතිවරයා ඒ සඳහා අනුමැතිය ලබා දුන්නාද, පාර්ලිමේන්තුව අනුමැතිය ලබා දුන්නාද යන කාරණා අධ්යයනය කර රටට කරුණු කීම පාර්ලිමේන්තුවේ 225 දෙනාගේම වගකීම බවයි පසුගිය අප්රේල් 29 වෙනිදා දී එජාප සභාපතිවරයා ලෙස ඔහු ප්රශ්න කර තිබෙන්නේ.
ශ්රී ලංකාව ලෝකය ඉදිරියේ ඉතා කණගාටුදායක තත්වයකට පත්ව තිබෙන අතර රට එම තත්ත්වයට පත්වුණේ ණය නොගෙවා හැරීම නිසා බව ප්රකාශ කර තිබූ වජිර අබේවර්ධන මහතාගේ ප්රකාශය සදහා, හැමදේටම පිළිතුරු ලබාදෙන මහ බැංකුව පිළිතුරු ලබා දුන්නේ නැති බවත් මාධ්ය පවසා සිටිනවා.
මේ ආකාරයට ණය නොගෙවන බවට මහ බැංකු අධිපතිවරයා ලෙස ආචාර්ය නන්දලාල් වීරසිංහ කළ ප්රකාශය පිළිබදව වජිර අබේවර්ධන මහතා යලිත් වතාවක් පාර්ලිමේන්තුවේදී ද ප්රශ්න කර තිබෙනවා.
ශ්රී ලංකාව බංකොලොත් දැයි ප්රකාශ කළ අය කර තිබෙන්නේ නීති විරෝධී ක්රියාවක් බවත්, පාර්ලිමේන්තුව මූල්ය පාලනය අතහැර වෙනත් අයට භාර දී ඇතත් නීතියෙන් මූල්ය පාලනය අයත් වන්නේ පාර්ලිමේන්තුවට හෙයින් රට බංකොලොත් යයි ප්රකාශ කිරීම බලයක් නැති ක්රියාවලියක් බවත් ඔහු පවසා තිබුණා. ඒ ගැන වත්මන් ජනාධිපතිවරයා මන්ත්රීවරයකුව සිටිය දී පාර්ලිමේන්තුවේදී ප්රශ්න කරන ලද බවත් ඔහු පැවසූ බව මන්ත්රීවරයා කියා තිබෙනවා. රට බංකොලොත් කිරීමේ බලය මුදල් අමාත්යාංශයට හෝ මහ බංකුවට නැතැයිද පැවසූ වජිර අබේවර්ධන මන්ත්රීවරයා, බලයක් නොමැති දෙයක් කළ විට සියලු දෙනා නිහඬව සිටින බවයි කියා ඇත්තේ. රට බංකොලොත් බව ප්රකාශ කළේ පාර්ලිමේන්තුවේ නියෝජිතයන් නොදැනුවත්ව වෙන කණ්ඩායම විසින් බවත් පැවසූ ඔහු එහි වරද පාර්ලිමේන්තුව පිට පටවා ඇති බව කියා තිබෙනවා. එනිසා රට බංකොලොත් කිරීම ගැන නිසි පරීක්ෂණයක් ඉල්ලා සිටීම පාර්ලිමේන්තුවේ සියලු දෙනාගේ වගකීමක් බව වජිර අබේවර්ධන මන්ත්රීවරයා පවසා තිබුණා.
