විශ්රාමික මේජර් ජෙනරාල් අරුණ ජයසේකර මහතා ආරක්ෂක නියෝජ්ය ඇමැති ධුරයේ කටයුතු කිරීමට එරෙහිව විපක්ෂය විසින් විශ්වාසභංග යෝජනාවක් ගෙන ඒමට කටයුතු කර තිබේ.Sri Lanka Latest News
සමගි ජන බලවේගයේ මන්ත්රී කණ්ඩායම විපක්ෂ නායක සජිත් ප්රේමදාස මහතා සමග සාකච්ඡා කිරීමෙන් අනතුරුව මෙවැනි විශ්වාසභංග යෝජනවක් ගෙන ඒමට තීරණය කර තිබේ. මුජිබර් රහුමාන් මහතා විසින් සමගි ජන බලවේගයේ මන්ත්රී කණ්ඩායම වෙත මෙම යෝජනාව පසුගිය සදුදා ගෙනවිත් තිබේ. පසුව එය විපක්ෂයේ මන්ත්රී කණ්ඩායමට ඉදිරිපත් කිරීමට එහිදී යෝජනා විය.
ඒ අනුව මේ සම්බන්ධයෙන් ඊයේ විපක්ෂයේ පක්ෂවල නායකයන් රැස් වී සාකච්ඡා කළ අතර එහි දී නියෝජ්ය ආරක්ෂක ඇමතිවරයාට විරුද්ධව විශ්වාසභංග යෝජනාවක් ගෙන ඒමට තීරණය කර තිබේ.
මේ සඳහා විපක්ෂ නායක සජිත් ප්රේමදාස මහතා, ආචාර්ය එම්.එල්.ඒ.එන්. හිස්බුල්ලා, ජේ.සී.අලවතුවල, ඩී.වී.චානක, කාදර් මස්තාන්, එම්.එම්.එම්.තහීර්, මුජිබර් රහුමාන්, පී. සත්යලිංගම්, ගයන්ත කරුණාතිලක, අජිත් පී පෙරේරා, හෙක්ටර් අප්පුහාමි, වෛද්ය කාවින්ද ජයවර්ධන, රංජිත් මද්දුම බන්ඩාර, වෛද්ය රාමනාදන් අරුනාචලම්, දයාසිරි ජයසේකර, මනෝ ගනේෂණ ඇතුළු පිරිසක් එක්විය.
පසුගිය දා 2019 පාස්කු ඉරිදා ත්රස්ත ප්රහාර පිළිබඳ විමර්ශනවල විශ්වසනීයත්වයටල නියෝජ්ය ආරක්ෂක අමාත්ය ධූරය දරන මේජර් ජෙනරාල් අරුණ ජයසේකර මහතාගේ තනතුර බලපෑ හැකි බවට කතෝලික සභාව ප්රකාශ කර තිබේ. පාස්කු ප්රහාර සිදුවන අවස්ථාවේ හමුදාවේ නැගෙනහිර ආඥාපතිවරයා ලෙස ජයසේකර මහතා කටයුතු කළ බැවින් ඔහුගේ වත්මන් භූමිකාව අදාළ විමර්ශනවලට බලපෑම් කළ හැකි බව පවසමින් මේ යෝජනාව සිදු කර තිබේ.
