මුලින් රාජපක්ෂවරු පමණක් රට විනාශ කර ඉන් සෑහීමකට පත් නොවී අලියයි, කපුටයි, පොහොට්ටුවයි යන පාර්ශ්ව 3ම එකට එකතු වී රට විනාශ කරමින් සිටින බවත් මේ හවුල පරාජය නොකරන්නේ නම් ඉදිරියේ දී මීටත් වඩා පීඩනයකට ජනතාවට මුහුණ දීමට සිදු වන බවත් විපක්ෂ නායකවරයා පැවසීය.
ජනතා අරගලය නිසා මුදල් ඇමතිවරයාත්, අගමැතිවරයාත්, ජනාධිපතිවරයාත් ඉවත් වුවත් පසුව ඔවුන්ගේ හිතවත් පාර්ලිමේන්තු මන්ත්රීවරුන් 134ක් එකතු කර ගෙන රාජපක්ෂලා රකින ජනාධිපතිවරයකු පත් කර ගත් බවත් ඒ නිසා ජනතාවගේ අපේක්ෂවන්, ඉල්ලීම් මුදුන්පත් වී නොමැති බවත් මෙවැනි තත්ත්වයක් උඩ විදුලි බිල දිගින් දිගටම වැඩි කිරීම, බදු බර වැඩි කිරීම, ගෑස් පොහොර ඉන්ධන මිල අධික ලෙස වැඩි කරන බවත් මේ තත්ත්වයෙන් රට ගොඩ ගැනීමට නම් ජනතාව බුද්ධිමත්ව මෙවර මැතිවරණයේ දී තීන්දු තීරණ ගත යුතු බවත් විපක්ෂ නායකවරයා පැවසීය.
70-77 යුගය මෙන් බඩු හිඟ යුගයක් රට තුළ ඇති වුවත් රාජපක්ෂලා සුරසැප ජීවිතයක් ගත කරන බවත් ඔවුන්ට රටේ ලක්ෂ 220ක් වූ ජනතාව ලක්ෂ 42ක් වූ පාසල් සිසුන් දුක් විඳීම නොපෙනෙන බවත් පැවසූ විපක්ෂ නායකවරයා කියා සිටියේ ජනතාව මෙසේ පීඩාවට පත් කරන හොර කපුටු පොහොට්ටු අලි ආණ්ඩු හවුලට කිසිසේත්ම සමාව දිය නොහැකි බවත් පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ පසුගිය 08 වැනි දා බණ්ඩාරවෙළ නගරයේ පැවැති ජන හමුවකට එක් වූ අවස්ථාවේ දීය.
එබැවින් මේ කුජීත ආණ්ඩුව මාර්තු 09 වැනිදායින් පසු ගෙදර යැවීමට කටයුතු කරන ලෙසත් ඒ සඳහා සමගි ජන බලවේගය දිනවන ලෙසත් අලුත් දර්ශනයක් අලුත් වැඩපිළිවෙළක් ඔස්සේ ඉදිරියට යාමට එක්වන ලෙසත් වැඩිදුරටත් අදහස් දක්වමින් විපක්ෂ නායක සජිත් ප්රේමදාස මහතා පැවසීය.
