ෆිච් රේටින් ආයතනය ශ්රී ලංකාවේ දිගුකාලීන දේශීය ණය වර්ගීකරණය ඉතා අවධානම් මට්ටමක් ලෙස නම් කර ඇති බවත් මේ තත්ත්වය ගැන 2020 සිට විපක්ෂයක් ලෙස මතුකර සිටියත් එවක සිටි පාලකයන් එය විහිළුවට ලක් කරමින් රට නොමඟ යැවූ බවත්, මෙවැනි තත්ත්වයක් තුළ රටේ සාර්ව ආර්ථික ප්රතිපත්තීන් සම්බන්ධයෙන් රජය ගන්නා පියවර කවරේද යනුවෙන් විපක්ෂ නායක සජිත් ප්රේමදාස මහතා අද පාර්ලිමේන්තුවේදී ප්රශ්න කර සිටියේය.
කවුරු මොන කතා කිව්වත් ජාත්යන්තරව සහ දේශීයව මේ සම්බන්ධයෙන් නිසි අවධානයක් යොමුව නොමැති බවත් ඇමෙරිකාව ප්රමුඛ බටහිර රටවල් ගණනාවක් පවසා ඇත්තේ අප රට තුළ දේශපාලන ප්රතිසංස්කරණ සිදු වන තුරු ආධාර උපකාර කළ නොහැකි බවත් යැයි සිහිපත් කළ විපක්ෂ නායකතුමා, මාස 8ක් තුළ වෛද්යවරුන් 477ක්, ඉංජිනේරුවන් 300ක් රට අතහැර ගොස් ඇති බවත් ළමා මන්දපෝෂණය වැඩිවන බවත්, සෞඛ්ය ක්ෂේත්රයේ ඖෂධ හිඟය ඇතුළු ගැටලු රාශියක් පවතින බවත් පැවසීය. විපක්ෂ නායකවරයා වැඩිදුරටත් කියා සිටියේ මේ හැම ගැටලුවකටම ඇති එකම විසඳුම මැතිවරණයක් තුළින් නව ජන වරමක් ලබා ගැනීම බවය.
