නිකවැරටිය මාගල්ල ව්යාපාරයේ අක්කර 7000 කට ජලය නිකුත් කිරීම 15 දා සුබ නැකතින් සිදු කළ ද ,පොහොර නොදී ජලය ලබාදීම ප්රතික්ෂේප කළ ගොවි සංවිධාන 14 ක ගොවි නායකයන්ගේ විරෝධය නිසා යළි සොරොව් වසා දැමීමට වාරි නිලධාරීන් පියවර ගත්හ.
වාරි නිලධාරින් සුබ නැකතට මාගල්ල ජලාශ දියවර නිකුත් කළ ද ගොවි නායකයන් පිරිස එයට බාධා කරමින් ගොවීන් පොහොර නොමැතිව කුඹුරු වගා නොකරන බැවින් ජලය අපතේ නොහැර සොරොව් වසා දමන ලෙස ඉල්ලමින් ,ජලාශ බැම්මේ සිට ගොවියෝ උද්ඝෝෂණයක නිරත වූහ .
අනතුරුව නිකවැරටිය වාරිමාර්ග ඉංජිනේරු කාර්යාලයේ නිලධාරින් සොරොව්ව වසා දැමීමෙන් අනතුරුව ,ගොවි නායකයන් නිකවැරටිය ප්රාදේශීය ලේකම්වරයා හමුවී තම ගැටලුව ඉදිරිපත් කිරිම සඳහා ,මාගල්ල ජලාශයේ සිට ප්රාදේශීය ලේකම් කාර්යාලය වෙත පාගමනින් පැමිණි අතර එහිදී ප්රධාන මාර්ගයේ වාහන ගමනටද බාධා ඇති විය.
එම අවස්ථාවේ ප්රාදේශීය ලේකම්වරයා කාර්යාලයේ නොසිටි අතර සහකාර ප්රාදේශීය ලේකම් ප්රියන්ත වික්රමසිංහ මහතා හමූවූ ව්යාපාර ඒකාබද්ධ ගොවි සංවිධානයේ නායකයින් සිය ගොවී සංවිධාන 14 ක් මේවන විට පොහොර නොමැතිව කුඹුරු වැඩ ඇරඹීමට නොහැකිව මුහුණ දී තිබෙන ගැටලු ඉදිරිපත් කලහ. -ලංකාදීප
