පාස්කු ප්රහාරය සිදු වන බව හිටපු ජනාධිපති මෛත්රීපාල සිරිසේන මහතා දැනුවත්ව සිටි බව ගරු සිරිල් ගාමිණී පියතුමන් චෝදනා කර සිටිති.
කොළඹදී මාධ්ය හමුවක් පවත්වමින් උන්වහන්සේ සඳහන් කළේ පාස්කු ප්රහාරයේ විමර්ශන වාර්තා කියවද්දි ඒ බව පැහැදිලි වන බවකි.
එමෙන්ම පසුගිය කාලයේදී වත්මන් ජනාධිපති ගෝඨාභය රාජපක්ෂ මහතා ඝාතනය කිරීමේ කුමන්ත්රණයක් පවතින බවට චෝදනාවක් එල්ල වූ අතර අද ඒ සම්බන්ධයෙන් කිසිදු විමර්ශනයක් සිදු නොවන බවද පියතුමා සදහන් කර සිටියේය.
එහිදී වැඩිදුරටත් අදහස් දැක්වූ ගරු සිරිල් ගාමිණී පියතුමන්,
“ඇයි ඇත්ත හෙළිදරව් කරගන්න උත්සහ කරගන්නේ නැත්තේ. ඒක වහන්න උත්සහ කරන්නේ ඇයි ? මේවා විමර්ශනය නොකරන්නේ කාව ආරක්ෂා කරන්න ද? අපි කියමු හිටපු ජනපති මෛත්රීපාල සිරිසේන මහතා මීට වගකියන්න ඕන කියලා, බොහොම පැහැදිලි නිර්දේශයක් තිබෙනවා. ඔහුට විරුද්ධව අපරාධමය නඩුවක් පවරන්නට ඕනෙ කියලා. ඒක නිර්දේශයක්. පළමු නිර්දේශය ඒ කොමිෂන් සභාවේ. ඊට පස්සේ රජයේ වගකිවයුතු අමාත්යවරයෙක් කියනවා. මෛත්රීපාල සිරිසේන හිටපු ජනාධිපතිවරයා මේ පාස්කු ප්රහාරයට වගකියන්න ඕනේ කියලා. එතකොට ආණ්ඩුව සහ CIDඑක කරන්න ඕනේ මේක විමර්ශනය කරන එක. ඒ වගේම ආණ්ඩුව සහ නීතිපතිවරයා කරන්නට ඕනේ මේ ජනාධිපති කොමිෂන් සභාවේ තිබෙන නිර්දේශ ක්රියාත්මක කරන එක. ඉතින් ඒක කරන්නේ නැහැනේ. එතකොට අපිට හිතෙන්නේ මේවා මේ සම්බන්ධතා තියාගෙන ඉන්නවා කියලා.”
