මේ වසර අවසානයට පෙරාතුව පළාත් සභා මැතිවරණය පවත්වා අවසන් කිරීමට ජනාධිපතිවරයා ප්රමුඛ මාලිමා ආණ්ඩුව තීරණය කොට ඇති බව දැනගන්නට තිබේ.
මේ සම්බන්ධයෙන් අදහස් දක්වමින් විද්යා හා තාක්ෂණ අමාත්ය මහාචාර්ය ක්රිෂාන්ත අබේසේන මහතා සඳහන් කොට සිටියේ අනිවාර්යයෙන්ම මේ වසර අවසාන වනවිට පළාත් සභා මැතිවරණය පවත්වා අවසන් කිරීමට ආණ්ඩුව තීන්දු කොට ඇති බවකි. Sri Lanka Latest News
‘පළාත් සභා ඡන්දය තියෙනවා. කවුද කියන්නේ ප්රමාද කරනවා කියලා. අපිට දිට්වා තිබ්බා. මේ අවුරුද්ද ඇතුළත පළාත් සභා ඡන්දය තියෙනවා. බය වෙන්න එපා. කොයි කාලයේද කියලා කියන්න බෑ. අමාත්යාංශයනේ කරන්නේ. මේ අවුරුද්ද ඇතුළත තියෙනවා කියන අදහසේ තමයි අපි ඉන්නේ…’ යනුවෙන් අමාත්යවරයා සිකුරාදා (15) දිනයේදී මහනුවරදී සඳහන් කර සිටියේය.
ආණ්ඩුව මුල් අවස්ථාවේදී පළාත් සභා මැතිවරණය පවත්වන බව රටට පොරොන්දු වුවත්, පසුව සීමා නිර්නය ප්රශ්නය මුල් කරගෙන මැතිවරණය පැවැත්විය නොහැකි බවට වූ ස්ථාවරයක සිටින බවක් පසුගිය කාලයේ දැකගන්නට ලැබිණි. නමුත් විපක්ෂයෙන් එල්ල වූ දැඩි විරෝධය හමුවේ පළාත් සභා මැතිවරණය පැවැත්විය යුත්තේ කුමන ක්රමයකටද යන්න සොයාබලා වාර්තා කිරීම සඳහා පාර්ලිමේන්තු තේරීම් කාරකසභාවක් පත්කිරීමට ආණ්ඩුව කටයුතු කොට තිබිණි.
කෙසේ වෙතත් තමිල්නාඩුවේ මහඇමැති ධුරයට තලපති විජේ පත්වීමත් සමග ප්රාන්ත මන්ත්රීවරුන්ගෙන් ඉදිරිපත් වූ ප්රබල ඉල්ලීමක් වූයේ ලංකාවේ පළාත් සභා මැතිවරණය පවත්වන ලෙසට ප්රාන්ත රජය බලපෑම් කළ යුතු යැයි කියාය.
එවැනි පසුබිමක් යටතේ මේ වනවිට ආණ්ඩුව තීන්දු කොට ඇත්තේ මේ වසර අවසාන වනවිට පළාත් සභා මැතිවරණය පවත්වා අවසන් කිරීමටය.
ඒ අනුව මෙවර පළාත් සභා මැතිවරණය මාලිමාව, සමගි ජන බලවේගය සහ පොහොට්ටුව අතර තුන්කොන් සටනක් බවට පත්වනු ඇති බව දේශපාලන විචාරකයන්ගේ මතය වී තිබේ.
