දඹුල්ලේ අතිමහත් බහුතරයක් කෘෂිකර්මාන්තය සිය ජීවනෝපාය කර ගත් පිරිසක් බවත් එදා අපේ රටේ ගොවිජනතාව වී ගොවිතැන, එළවළු ඇතුළු අනෙකුත් භෝග වගාකර සතුටින් ජීවත් වුවත් එම ගොවි ජනතාවගේ ජීවන තත්ත්වය විනාශ කළේ රාජපක්ෂ පවුල ප්රමුඛ පොහොට්ටුවේ හොරු ටික බවත් විපක්ෂ නායක සජිත් ප්රේමදාස මහතා දඹුල්ලේ දී පැවැසීය.
එබැවින් ගොවි තැන සිය ජීවනෝපාය කර ගත් ජනතාව නව තාක්ෂණය ඔස්සේ ඉදිරියට ගෙන විත් භූමියෙන් ලබා ගන්නා අස්වැන්න වැඩි කර ගැනීමට නව තාක්ෂණය උපක්රම හා යෙදවුම් යොදා ගෙන නවීන තාක්ෂණයෙන් ශක්තිමත් කර රටේ ආහාර නිෂ්පාදනය ඉහළ මට්ටමට ගෙන ඒමට සමගි ජන බලවේග රජය විසින් කටයුතු කරන බව ද විපක්ෂ නායකවරයා පැවසීය.
එසේ ම රට පවතින තත්ත්වයෙන් ගොඩ ගැනීමට ආර්ථික විප්ලවයක් අවැසි බවත් එහි දී නිෂ්පාදන කර්මාන්තශාල මෙන්ම අපනයන ප්රවර්ධන කර්මාන්තශාලා ඇති කළ යුතු බවත් ගොවියා විසින් රටේ ආහාර අවශ්යතාව සම්පූර්ණ කරනවා පමණක් නොව ගුණාත්මක කෘෂිකාර්මික භෝග අපනයනය කරන තත්ත්වයට පත්විය යුතු බවත් පැවසූ විපක්ෂ නායකවරයා කියා සිටියේ අද තිබෙන ක්රමවේදය තුළ නිෂ්පදනය අඩුවී ගොවියට ලැබෙන මුදල් ප්රමාණය අඩුව වන නිසා මේ රටේ ගොවි ජනතාව ජීවත් වන බල ප්රදේශවල තමන්ගේ නිෂ්පාදන ආරක්ෂා කරන ශීතාගාර පහසුකම් ඇති කිරීමට ද කටයුතු කරන බව පැවසීය.
